Stólarnir fá til sín Króata

Tindastóll hefur samið við Króatann Dino Butorac um að spila með liðinu í Domino's deild karla í vetur.

Butorac er 28 ára skotbakvörður og er 1,93 metrar á hæð. Hann hefur verið á mála hjá liðum í Króatíu, Svíðþjóð og Þýskalandi. Hann hefur leikið með yngri landsliðum Króatíu.

Butorac er fenginn til liðs við Tindastól til þess að fylla í skarð Sigtryggs Arnars Björnssonar sem fór til Grindavíkur í sumar.

Tindastóll varð bikarmeistari á síðasta tímabili og komst í úrslitaeinvígið í deildinni þar sem liðið tapaði fyrir KR.