Belgar eru því með fullt hús stiga í G-riðlinum en Túnis er án stiga. Á morgun mætast svo Englendingar og Panama er annarri umferðinni lýkur.
Það tók Belga ekki nema sjö mínútur að komast yfir. Eden Hazard fékk þá boltann og lagði boltann snyrtilega í netið. Níu mínútum síðar tvöfaldaði Romelu Lukaku forystuna og Belgar komnir í góð mál.
Túnis náði þó aðeins að koma sér inn í leikinn á 18. mínútu er Dylan Bronn skallaði aukaspyrnu í netið og Túnis komið aftur inn í leikinn. Þeir misstu þó tvo menn meidda af velli áður en fyrri hálflelk lauk.
Lukaku bættu svo gráu ofan á svart er hann kom Belgum í 3-1 með öðru marki sínu og þriðja marki Belga. Erfiður síðari hálfleikur fyrir Túnis framundan og það varð raunin.
Michy Batshuayi kom inn á sem varamaður fyrir Lukaku um miðjan síðari hálfleikinn og hann vildi ekki vera minni maður. Hann var öflugur í sóknarleik Belga og skoraði svo fimmta mark þeirra í uppbótartíma.
Allt fjörið var þó ekki úti enn því í uppbótartíma minnkaði Wahbi Khazra muninn í 5-2 en hann átti einnig stoðsendinguna í fyrra markinu. Ágætis leikur hjá pilti en Túnis lenti yfir belgíska valtaranum sem eru til alls líklegir í mótinu.
Belgar eru því með sex stig og eru komnir áfram í 16-liða úrslitin. England getur fylgt þeim á eftir með sigri gegn Panama á morgun en Túnis er í vandræðum; án stiga á botni riðilsins.
