Þau vilja verða aðstoðarseðlabankastjóri

Þrettán umsækjendur um stöðu aðstoðarseðlabankastjóra uppfylltu menntunarkrafa laga um Seðlabanka. Þetta kemur fram á vef stjórnarráðsins. Arnór Sighvatsson aðstoðarseðlabankastjóri hefur í tvígang verið skipaður aðstoðarseðlabankastjóri en lög Seðlabankans koma í veg fyrir að hann geti sótt um þriðja sinni.

Embætti aðstoðarseðlabankastjóra var auglýst laust til umsóknar 21. febrúar og umsóknarfrestur rann út 19. mars. Meðal umsækjenda eru Vilhjálmur Bjarnason, fyrrverandi þingmaður og Stefán Jóhann Stefánsson upplýsingafulltrúi Seðlabankans.

Í auglýsingu fyrir starfið kom fram að umsækjendur skyldu hafa lokið há­skóla­prófi í hag­fræði eða tengd­um grein­um. Þeir ættu að búa yfir víðtækri reynslu og þekk­ingu á fjár­mála­starf­semi og efna­hags- og pen­inga­mál­um. Þá var gerð krafa um stjórn­un­ar­hæfi­leika og hæfni í mann­leg­um sam­skipt­um.

Umsækjendur sem uppfylla menntunarkröfur laga um Seðlabanka Íslands eru:

Daníel Svavarsson, hagfræðingur. 

Guðrún Johnsen, hagfræðingur. 

Stefán Hjalti Garðarsson, reikni- og fjármálaverkfræðingur. 

Jón Þ. Sigurgeirsson, viðskiptafræðingur. 

Konráð S. Guðjónsson, hagfræðingur. 

Ludvik Elíasson, hagfræðingur. 

Ólafur Margeirsson, hagfræðingur. 

Rannveig Sigurðardóttir, hagfræðingur. 

Stefán Jóhann Stefánsson, hagfræðingur 

Tryggvi Guðmundsson, hagfræðingur. 

Vilhjálmur Bjarnason, viðskiptafræðingur. 

Þorsteinn Þorgeirsson, hagfræðingur.

Forsætisráðherra mun nú, í samræmi við 2. mgr. 23. gr. laga um Seðlabanka Ísland, skipa nefnd til að meta hæfi umsækjenda. Niðurstaða hæfnisnefndar verður ráðgefandi fyrir forsætisráðherra.

Uppfært klukkan 13:45

Nafn eins umsækjanda hefur verið fjarlægt af listanum og eru þau því tólf núna. Ástæðan er sú að viðkomandi hafði óskað eftir því að nafn hans yrði ekki birt. Ef til stæði að birta nöfn myndi viðkomandi draga umsóknina til baka. Forsætisráðuneytið hefur uppfært listann á heimasíðu sinni eftir athugasemd umsækjandans.