Spjaldaði Gylfa í leik Liverpool og Everton í desember en verður gestur KSÍ um helgina

Íslensku dómararnir hittast á landsdómararáðstefnu KSÍ um helgina þar sem þeir eru að undirbúa sig fyrir komandi tímabil. Dómararnir okkar fá góðan gest á ráðstefnu sína.

Craig Pawson, alþjóðlegur dómari frá Englandi, verður gestur ráðstefnunnar að þessu sinni. Hann þarf vart að kynna fyrir áhugamönnum ensku knattspyrnunnar, en hann dæmdi sinn fyrsta leik í ensku úrvalsdeildinni í mars 2013.

Pawson hefur hann verið alþjóðlegur dómari frá ársbyrjun 2015. Hann hefur til þessa dæmt 19 leiki í ensku úrvalsdeildinni á þessu tímabili.

Pawson dæmdi meðal annars 1-1 jafnteflisleik Bítlaborgarliðanna Liverpool og Everton í desember og gaf meðal annars Gylfa Þór Digurðssyni fyrsta gula spjald leiksins á 36. mínútu.

Mohamed Salah kom Liverpool í 1-0 í leiknum en Wayne Rooney jafnaði metin úr vítaspyrnu sem Pawson dæmdi þrettán mínútum fyrir leikslok þegar Dejan Lovren felldi Dominic Calvert-Lewin.

Craig Pawson er með fyrirlestur á báðum dögun en hann fer yfir leikstjórn á föstudeginum og er síðan með tvo fyrirlestra á sunnudeginum. Sá fyrri er um VAR, lífið í Premier deildinni og Elite ráðstefnu á Möltu en sá síðari er um tæknisvæði.

Íslensku dómararnir hafa verið við æfingar frá því í nóvember síðastliðnum, en á þessu námskeiði munu þeir gangast undir skriflegt próf auk þess sem þeir hlýða á ýmsa aðra fyrirlestra.

Knattspyrnusamband Íslands sagði frá heimsókn Pawson á heimasíðu sinni og birti einnig dagskrá landsdómararáðstefnu KSÍ sem er hér fyrir neðan.



Dagskráin er svohljóðandi:

Föstudagurinn 2. mars

17:15-17:30 Setning. Bragi Bergmann ráðstefnustjóri

17:30-18:00 Kynning á Sports Matrix forritinu. Umsjón: Neal Ferro.

18:00-18:15 Kliðfundur.

18:15-18:30 Ýmislegt Umsjón: Birkir Sveinsson

18:30-19:00 Skriflegt próf. Umsjón: Bragi Bergmann

19:00-20:00 Matur Cafe Easy

20:00-21:15 Leikstjórn. Umsjón: Craig Pawson

Laugardagurinn 3. mars

09:30- 10:30 Æfing í Laugum. Spinning. Skyldumæting.

11:00-12:00 VAR, lífið í Premier deildinni og Elite ráðstefna á Möltu. Umsjón: Craig Pawson

12:00-13:00 Matur Cafe Easy

13:00-14:00 Tæknisvæði. Umsjón: Craig Pawson

14:00-14:30 Yfirferð skriflega prófsins. Umsjón: Bragi Bergmann

14:30-14:45 Kliðfundur.

14:45-15:15 Álag-Ákefð-Árangur. Umsjón: Fannar Karvel.

15:15-16:15 Fundur í félagi deildardómara. Ráðstefnuslit/Léttar veitingar.

19:30 Árshátíð landsdómara– KSÍ 3. hæð.