Höttur hélt haus eftir olnbogaskot þjálfarans | Myndband

Viðar Örn Hafsteinsson, þjálfari Hattar, lét reka sig af velli í leiknum gegn Keflavík á dögunum en það bara kveikti neista hjá lærisveinum hans.

Viðar var þá sendur í sturtu fyrir að gefa Herði Vilhjálmssyni, leikmanni Keflavíkur, olnbogaskot undir lok þriðja leikhluta. Höttur var þá einu stigi yfir en Keflavík náði forystunni eftir brottvikningu Viðars.

Þjálfaralausir Hattarmenn bitu í skjaldarrendur í fjórða leikhlutanum og kláraðu leikinn með sætum sigri þó svo þjálfarinn væri hvorki á vellinum né á hliðarlínunni.

Sjá má olnbogaskotið hér að neðan.