Lars hlakkar til að mæta Íslandi: „Enn skemmtilegra ef við vinnum“

Lars Lagerbäck hlakkar til þess að mæta aftur til Íslands en hann mun stýra norska fótboltalandsliðinu gegn því íslenska á Laugardalsvelli í júní.

KSÍ tilkynnti um vináttulandsleik Íslands og Noregs í gær. Lars mun þá mæta á sinn gamla heimavöll, hann stýrði íslenska liðinu við góðan orðstír í fimm ár og náði ógleymanlegum árangri á Evrópumótinu í Frakklandi.

„Öll lið sem maður hefur þjálfað eiga stað í hjarta mans. Fimm ár á Íslandi gerðu mig hálfgerðan Íslending,“ sagði Lagerbäck í viðtali við Aftenposten.

„Það verður mjög gaman að koma til Reykjavíkur og mæta liði sem er á leiðinni á HM.“

„Ef við náum að sigra þá verður það enn skemmtilegra,“ sagði Lars Lagerbäck.

Síðast þegar liðin mættust, ytra sumarið 2016, fóru Norðmenn með 3-2 sigur. Seinna það sumar fór Ísland svo á EM í Frakklandi. Hjátrúarfullir myndu því kannski segja að Ísland ætti að tapa fyrir Norðmönnum í júní svo árangurinn verði svipaður í Rússlandi.