Stuðningsmenn Íslands hita upp af krafti | Myndir

Það er góð stemning hjá íslensku stuðningsmannasveitinni í Split og þeir hafa hitað hraustlega upp í allan dag.

HSÍ stóð fyrir léttum töflufundi á hittingnum hjá íslenska hópnum í dag. Þar náðu Íslendingarnir að þjappa hópnum saman og vökva söngfærin fyrir kvöldið.

Var vel mætt og gerður góður rómur að stemningunni. Þetta góða fólk ætlar svo að reyna að öskra í kapp við um ellefu þúsund Króata á eftir.

Ernir Eyjólfsson skellti sér í teitið og tók myndirnar sem fylgja með fréttinni.