Þrír geimfarar komnir aftur til jarðar

Geimferja með þrjá geimfara innanborðs lenti á afskekktum stað skammt frá bænum Dzhezkazgan í Kasakstan í morgun, en þrímenningar hafa varið síðustu fimm mánuðum um borð í Alþjóðlegu geimstöðinni (ISS).

Bandaríska geimvísindastofnunin NASA sýndi beint frá lendingunni.

Rússinn Sergei Ryanzanski var fyrstur til að yfirgefa ferjuna, en á hæla hans komu Bandaríkjamaðurinn Randy Bresnik og Ítalinn Paolo Nespoli.

Eftir að þeir Ryanzanski, Bresnik og Nespoli yfirgáfu geimstöðina eru þrír enn um borð.

Sjá má myndskeið af lendingunni að neðan.