Róbert óvænt í 28 manna hópi Geirs

Geir Sveinsson landsliðsþjálfari hefur valið þá 28 leikmenn sem koma til greina í hópinn á EM í Króatíu í janúar.

Þjálfarinn má aðeins velja úr þessum hópi leikmanna á meðan mótinu stendur en hann fer væntanlega með sextán leikmenn út.

Mesta athygli vekur að nafn línumannsins Róberts Gunnarssonar er á listanum en Róbert hafði lagt landsliðsskóna á hilluna.

„Í stuttu máli kemur það þannig til að ég hef ekki verið allt of hress með línumannsstöðuna. Ég sló því á þráðinn til Róberts og við spjölluðum saman og niðurstaðan varð sú að hann var klár í nafnið hans færi á þennan lista yfir 28 leikmenn sem koma til greina. Hann er klár í að taka þátt ef hann verður fyrir valinu að lokum,“ sagði Geir í samtali við RÚV.

Svo eru fjórir markverðir í hópnum sem eru væntanlega að bítast um tvö sæti í hópnum. Þar eru þeir fjórir markverðir sem helst hafa verið í umræðunni fyrir mótið.

Gunnar Steinn Jónsson og Vignir Svavarsson eru ekki á 28 manna listanum. Vignir lítið verið með síðustu ár en Geir er augljóslega ekki nógu ánægður með framlag Gunnars hingað til og því kemur hann ekki til greina.

Hópurinn:

Markverðir:

Aron Rafn Eðvarðsson, ÍBV

Ágúst Elí Björgvinsson, FH

Björgvin Páll Gústavsson, Haukar

Hreiðar Levý Guðmundsson, Grótta

Aðrir leikmenn:

Arnar Freyr Arnarsson, Kristianstad

Aron Pálmarsson, Barcelona

Arnór Atlason, Álaborg

Arnór Þór Gunnarsson, Bergischer

Atli Ævar Ingólfsson, Selfoss

Ásgeir Örn Hallgrímsson, Nimes

Bjarki Már Elísson, Füchse Berlin

Bjarki Már Gunnarsson, Stjarnan

Daníel Þór Ingason, Haukar

Elvar Örn Jónsson, Selfoss

Geir Guðmundsson, Cesson-Rennes

Guðjón Valur Sigurðsson, Rhein-Neckar Löwen

Gísli Þorgeir Kristjánsson, FH

Janus Daði Smárason, Álaborg

Kári Kristján Kristjánsson, ÍBV

Ólafur Andrés Guðmundsson, Kristianstad

Ólafur Gústafsson, Kolding

Óðinn Þór Ríkharðsson, FH

Ómar Ingi Magnússon, Århus

Rúnar Kárason, Hannover-Burgdorf

Róbert Gunnarsson, Århus

Stefán Rafn Sigurmannsson, Pick Szeged

Theodór Sigurbjörnsson, ÍBV

Ýmir Örn Gíslason, Valur