Heimir Hallgríms fer með þessa menn til Katar | Tveir koma inn í hópinn

Heimir Hallgrímsson, þjálfari íslenska karlalandsliðsins í fótbolta, valdi í dag 26 manna landsliðshóp fyrir komandi vináttulandsleiki á móti Katar og Tékklandi sem fara fram í Katar seinna í þessum mánuði.

Þetta verða fyrstu leikir íslenska liðsins síðan að strákarnir okkar tryggðu sér sæti á heimsmeistaramótinu í fyrsta sinn í byrjun síðasta mánaðar og um leið fyrstu undirbúningsleikir liðsins fyrir HM í Rússlandi næsta sumar.

Fyrst mun Ísland mæta Tékklandi 8. nóvember og íslenska liðið spilar síðan við heimamenn í Katar sex dögum síðar. Tékklandi og Katar mætast síðan í millitíðinni og allir spila því við alla í mótinu.  Þetta eru alþjóðlegir leikdagar og ekkert var því til fyrirstöðu að bestu leikmenn okkar taki þátt í þessum verkefnum.

Heimir gerir ekki margar breytingar frá því í síðustu leikjum í undankeppninni á móti Tyrklandi og Kósóvó þar sem íslenska liðið vann tvo frábæra sigra sem tryggðu liðinu sigur í riðlinum og sæti á HM.

Aron Einar Gunnarsson og Alfreð Finnbogason hafa báðir verið að glíma við meiðsli. Heimir sagði að það væri ólíklegt að þeir muni spila en þeir eru samt með í hópnum.

Emil Hallfreðsson og Jón Daði Böðvarsson eru hinsvegar meiddir og taka ekki þátt í þessu verkefni af því þeir töldu betra fyrir sig að fá að ná sér góðum hjá félögum sínum.

Ingvar Jónsson og Theódór Elmar Bjarnason koma báðir inn í hópinn frá því í síðasta verkefni og íslenska liðið verður því með fjóra markmenn.

Landsliðshópur Íslands fyrir vináttuleiki í nóvember 2017:

Markmenn    Fæddur    L    M    Félag

Hannes Þór Halldórsson    1984    48        Randers FC

Ögmundur Kristinsson    1989    14        SBV Excelsior

Ingvar Jónsson    1989            Sandefjord

Rúnar Alex Rúnarsson    1995    0        FC Nordsjæland

                

Varnarmenn                

Birkir Már Sævarsson    1984    76    1    Hammarby IF

Ragnar Sigurðsson    1986    73    3    Rubin Kazan FC

Kári Árnason    1982    63    4    Aberdeen FC

Ari Freyr Skúlason    1987    50        KSC Lokeren

Sverrir Ingi Ingason    1993    14    3    Rostov FC

Hörður Björgvin Magnússon    1993    14    2    Bristol City FC

Jón Guðni Fjóluson    1989    10        IFK Norrkoping

Hjörtur Hermannsson    1995    3        Brøndby IF

                

Miðjumenn                

Aron Einar Gunnarsson    1989    75    2    Cardiff City FC

Birkir Bjarnason    1988    62    9    Aston Villa FC

Jóhann Berg Guðmundsson    1990    62    7    Burnley FC

Gylfi Þór Sigurðsson    1989    54    18    Everton FC

Rúrik Gíslason     1988    41    3    1.FC Nürnberg

Ólafur Ingi Skúlason     1983    30    1    Kardemir Karabükspor

Arnór Smárason    1988    22    2    Hammarby IF

Arnóri Ingvi Traustason    1993    13    5    AEK

Rúnar Már Sigurjónsson    1990    13    1    Grasshopper Club

Theódór Elmar Bjarnason 1987    36    0    Elazığspor

                

Sóknarmenn                

Alfreð Finnbogason    1989    45    11    FC Augsburg

Viðar Örn Kjartansson    1990    14    1    Maccabi Tel-Aviv FC

Björn Bergmann Sigurðarson     1991    9    1    Molde FK

Kjartan Henry Finnbogason    1986    7    1    AC Horsens