Létt yfir strákunum í morgun | Myndir

Íslenska karlalandsliðið í handbolta mætir því sænska í fyrri vináttulandsleik liðanna í Laugardalshöllinni annað kvöld. Liðin mætast aftur á laugardaginn, sjálfan kjördaginn.

Íslenski hópurinn er mjög ungur en helmingur þeirra 20 leikmanna sem Geir Sveinsson valdi eru fæddir 1995 eða seinna.

Tveir úr þessum 20 manna hóp verða ekki með í leikjunum tveimur; Selfyssingurinn Elvar Örn Jónsson og Stjörnumaðurinn Bjarki Már Gunnarsson.

Íslensku strákarnir virkuðu afslappaðir á æfingu í Valshöllinni í morgun og tilbúnir í slaginn gegn lærisveinum Kristjáns Andréssonar.

Eyþór Árnason, ljósmyndari Fréttablaðsins og Vísis, var í Valshöllinni í morgun og tók myndirnar hér að neðan.