Domino's Körfuboltakvöld: Matthías Orri er MVP deildarinnar

Matthías Orri Sigurðarson var besti maður vallarins þegar ÍR vann Njarðvík, 82-79, í 4. umferð Domino's deildar karla á fimmtudaginn. Þetta var níundi deildarsigur ÍR á heimavelli í röð.

Matthías Orri skoraði 25 stig, tók sjö fráköst og gaf fimm stoðsendingar. Hann hitti úr 10 af 17 skotum sínum utan af velli.

„Matthías Orri er að spila núna eins og MVP deildarinnar, á öllum sviðum. Hann er óeigingjarn, veit hvenær hann þarf að taka af skarið. Ég er rosalega hrifinn af honum,“ sagði Hermann Hauksson í Domino's Körfuboltakvöldi í gær.

Kristinn Friðriksson tók í sama streng og Hermann.

„Hann er MVP það sem af er finnst mér,“ sagði Kristinn um Matthías Orra sem kórónaði stórleik sinn með því að skora sigurkörfu ÍR sem hefur unnið þrjá af fyrstu fjórum leikjum sínum á tímabilinu.

Innslagið má sjá í spilaranum hér að ofan.