Milljónir flúðu áður en Irma skall á Þórgnýr Einar Albertsson skrifar 11. september 2017 06:00 Svo öflugur var stormurinn í Miami í gær að byggingarkranar brotnuðu. Nordicphotos/Getty Að minnsta kosti 6,3 milljónum manna var skipað að flýja Flórídaríki í Bandaríkjunum áður en fjórða stigs fellibylurinn Irma skall á ríkinu í gær. Varað var við því að stormurinn væri lífshættulegur. Ekki flúðu allir sem gert var að flýja. Jette Margrethe Dige Rokos er ein þeirra sem flúðu heimili sín. Hún er dönsk, búsett í Tampa og var áður kennari í Borgarholtsskóla. Flúði hún til borgarinnar Nashville í Tennessee. „Við fórum frá Tampa á fimmtudagsmorgun. Við búum í Tampa nálægt MacDill herstöðinni og það er sjór þar báðum megin við okkur. Það er búist við því allra versta,“ segir Jette.Jette Margrethe Dige Rokosmynd/jetteÉg á vinkonu í Sarasota og hún var ein heima með tvo stráka. Hún gat ekki fengið bensín á bílinn sinn og situr þess vegna ennþá föst í Sarasota. Hún keyrði alla leið til Nashville á fimmtudag og segir það hafa tekið fimmtán klukkustundir. „Alla leiðina út úr Flórída var hvergi hægt að fá bensín. Það var strax á fimmtudag. Við stoppuðum til dæmis í bæ sem heitir Perry, alveg nyrst í Flórída. Þar var dálítið óhugnanlegt að sjá plastpoka utan um bensíndælurnar. Þar var ekkert að fá.“ Jette segir sig og sína vel setta. Hún hafi verið vel undirbúin, með nóg af bensíni, peninga í lausu og á ágætis bíl. Sömu sögu var ekki að segja af vinafólki hennar sem býr í borginni Sarasota í Flórída. „Ég á vinkonu í Sarasota og hún var ein heima með tvo stráka. Hún gat ekki fengið bensín á bílinn sinn og situr þess vegna ennþá föst í Sarasota.“Tré rifnuðu upp með rótum í Pembroke Pines á suðurodda Flórída í gær.Nordicphotos/AFPJafnvel á fimmtudagsmorgun, þegar hún var að undirbúa sig fyrir brottför, var Jette ekki viss um að það væri nauðsynlegt að fara. „Við höfðum ennþá þessa tilfinningu að þetta væru dálitlar ýkjur. Svo kemur í ljós að við hefðum eiginlega átt að hafa meiri farangur með okkur því við getum ekki snúið til baka í bráð. Það verður að vera komið rafmagn á, annars erum við í 35 stiga hita með enga loftræstingu,“ segir hún og bætir því við að hún hafi enga hugmynd um hvenær hún komist heim til Tampa aftur. Jette segist hins vegar ekki hafa miklar áhyggjur af heimili sínu. Hún búi í sterkbyggðu húsi sem sé með þeim betri á svæðinu.Rick Scott, ríkisstjóri Flórída.Nordicphotos/AFPIrma skall á Keys-svæðinu á suðurodda ríkisins af miklum ofsa en hélt síðan áfram í norðurátt, yfir meðal annars Miami og Tampa. Meðalvindhraði Irmu var um 58 metrar á sekúndu sem er nokkuð minna en þegar fellibylurinn var yfir Karíbahafi. Samkvæmt nýjustu spá bandarísku veðurstofunnar áður en Fréttablaðið fór í prentun var talið líklegt að stormurinn myndi fara í norðvestur en áður hafði því verið spáð að Irma færi í norðaustur og myndi ganga yfir austurströnd Georgíu. Vegna þess sagðist Rick Scott, ríkisstjóri Flórída, hafa þungar áhyggjur af vesturströnd ríkisins í viðtali við NBC í gær. „Við ætlum að gera allt sem í okkar valdi stendur til að vernda hvern einasta íbúa ríkisins,“ sagði ríkisstjórinn. Scott sagði jafnframt að um 10.000 þjóðaröryggisverðir hefðu verið kallaðir til ríkisins til að hjálpa þeim sem urðu eftir. „Ég veit að stormurinn er mikið gjöreyðingarafl og lífshættulegur en ég hef einnig miklar áhyggjur af flóðum.“Götur miðborgar Miami breyttust á augabragði í beljandi stórfljót vegna gríðarlegrar rigningar.vísir/EPAÞá lofaði Scott Almannavarnir Bandaríkjanna (FEMA) og Donald Trump forseta. „Þau hafa hjálpað okkur með öllum tiltækum ráðum. Þau vita að það verður gríðarlega mikil vinna að byggja ríkið upp eftir storminn en við erum tilbúin. „Ég hef unnið af miklu kappi, eins og aðrir, að því að fá fólk til að rýma svæðið og ég vona að það hafi sem flestir farið.“ Þegar Fréttablaðið fór í prentun höfðu þrjú látið lífið í Flórída vegna Irmu, öll létust þau í bílslysum. Að minnsta kosti 27 höfðu látið lífið á eyjum Karíbahafsins en þar gekk stormurinn meðal annars yfir Kúbu, Púertó Ríkó, Sankti Martin og Barbúda með þeim afleiðingum að byggingar hrundu, innviðir löskuðust og rafmagn fór af. Fellibylurinn Irma Birtist í Fréttablaðinu Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Fjöldi látinn eftir að verksmiðja sprakk í loft upp Innlent Þarf að una áminningu í máli móður í forsjárdeilu Innlent Nóbelsnefndin hafi valið pólitík fram yfir frið Erlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Fleiri fréttir Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Annar andstæðingur Trumps ákærður Hægagangur á rússneska hagkerfinu Sagðir skoða að færa Eurovision verði Ísraelum meinuð þátttaka Dómur þyngdur yfir nauðgara Pelicot Myndir: Hágrátið og hlegið þegar fréttir bárust af friðarsamkomulagi Von um frið en uggur um efndir Trump segir Hamas og Ísraela hafa náð samkomulagi Kenna Evrópu- og Bandaríkjamönnum um litlar líkur á friði Handtekinn fyrir að kveikja skæðasta eld Los Angeles Fá Nóbelsverðlaun fyrir þróun málmlífrænna grinda Tengdasonur Trumps mætir til Egyptalands Dularfull brotlending nærri Area 51 Trump og „maðurinn með ljáinn“ hóta að greiða ekki laun Engan óraði fyrir framhaldinu Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Tvö ár liðin frá árásum Hamas á Ísrael Vill vita hvað Úkraínumenn vilja gera við bandarískar stýriflaugar Hæstiréttur hafnar Maxwell Sjá meira
Að minnsta kosti 6,3 milljónum manna var skipað að flýja Flórídaríki í Bandaríkjunum áður en fjórða stigs fellibylurinn Irma skall á ríkinu í gær. Varað var við því að stormurinn væri lífshættulegur. Ekki flúðu allir sem gert var að flýja. Jette Margrethe Dige Rokos er ein þeirra sem flúðu heimili sín. Hún er dönsk, búsett í Tampa og var áður kennari í Borgarholtsskóla. Flúði hún til borgarinnar Nashville í Tennessee. „Við fórum frá Tampa á fimmtudagsmorgun. Við búum í Tampa nálægt MacDill herstöðinni og það er sjór þar báðum megin við okkur. Það er búist við því allra versta,“ segir Jette.Jette Margrethe Dige Rokosmynd/jetteÉg á vinkonu í Sarasota og hún var ein heima með tvo stráka. Hún gat ekki fengið bensín á bílinn sinn og situr þess vegna ennþá föst í Sarasota. Hún keyrði alla leið til Nashville á fimmtudag og segir það hafa tekið fimmtán klukkustundir. „Alla leiðina út úr Flórída var hvergi hægt að fá bensín. Það var strax á fimmtudag. Við stoppuðum til dæmis í bæ sem heitir Perry, alveg nyrst í Flórída. Þar var dálítið óhugnanlegt að sjá plastpoka utan um bensíndælurnar. Þar var ekkert að fá.“ Jette segir sig og sína vel setta. Hún hafi verið vel undirbúin, með nóg af bensíni, peninga í lausu og á ágætis bíl. Sömu sögu var ekki að segja af vinafólki hennar sem býr í borginni Sarasota í Flórída. „Ég á vinkonu í Sarasota og hún var ein heima með tvo stráka. Hún gat ekki fengið bensín á bílinn sinn og situr þess vegna ennþá föst í Sarasota.“Tré rifnuðu upp með rótum í Pembroke Pines á suðurodda Flórída í gær.Nordicphotos/AFPJafnvel á fimmtudagsmorgun, þegar hún var að undirbúa sig fyrir brottför, var Jette ekki viss um að það væri nauðsynlegt að fara. „Við höfðum ennþá þessa tilfinningu að þetta væru dálitlar ýkjur. Svo kemur í ljós að við hefðum eiginlega átt að hafa meiri farangur með okkur því við getum ekki snúið til baka í bráð. Það verður að vera komið rafmagn á, annars erum við í 35 stiga hita með enga loftræstingu,“ segir hún og bætir því við að hún hafi enga hugmynd um hvenær hún komist heim til Tampa aftur. Jette segist hins vegar ekki hafa miklar áhyggjur af heimili sínu. Hún búi í sterkbyggðu húsi sem sé með þeim betri á svæðinu.Rick Scott, ríkisstjóri Flórída.Nordicphotos/AFPIrma skall á Keys-svæðinu á suðurodda ríkisins af miklum ofsa en hélt síðan áfram í norðurátt, yfir meðal annars Miami og Tampa. Meðalvindhraði Irmu var um 58 metrar á sekúndu sem er nokkuð minna en þegar fellibylurinn var yfir Karíbahafi. Samkvæmt nýjustu spá bandarísku veðurstofunnar áður en Fréttablaðið fór í prentun var talið líklegt að stormurinn myndi fara í norðvestur en áður hafði því verið spáð að Irma færi í norðaustur og myndi ganga yfir austurströnd Georgíu. Vegna þess sagðist Rick Scott, ríkisstjóri Flórída, hafa þungar áhyggjur af vesturströnd ríkisins í viðtali við NBC í gær. „Við ætlum að gera allt sem í okkar valdi stendur til að vernda hvern einasta íbúa ríkisins,“ sagði ríkisstjórinn. Scott sagði jafnframt að um 10.000 þjóðaröryggisverðir hefðu verið kallaðir til ríkisins til að hjálpa þeim sem urðu eftir. „Ég veit að stormurinn er mikið gjöreyðingarafl og lífshættulegur en ég hef einnig miklar áhyggjur af flóðum.“Götur miðborgar Miami breyttust á augabragði í beljandi stórfljót vegna gríðarlegrar rigningar.vísir/EPAÞá lofaði Scott Almannavarnir Bandaríkjanna (FEMA) og Donald Trump forseta. „Þau hafa hjálpað okkur með öllum tiltækum ráðum. Þau vita að það verður gríðarlega mikil vinna að byggja ríkið upp eftir storminn en við erum tilbúin. „Ég hef unnið af miklu kappi, eins og aðrir, að því að fá fólk til að rýma svæðið og ég vona að það hafi sem flestir farið.“ Þegar Fréttablaðið fór í prentun höfðu þrjú látið lífið í Flórída vegna Irmu, öll létust þau í bílslysum. Að minnsta kosti 27 höfðu látið lífið á eyjum Karíbahafsins en þar gekk stormurinn meðal annars yfir Kúbu, Púertó Ríkó, Sankti Martin og Barbúda með þeim afleiðingum að byggingar hrundu, innviðir löskuðust og rafmagn fór af.
Fellibylurinn Irma Birtist í Fréttablaðinu Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Norðmenn uggandi vegna mögulegra viðbragða Trump Erlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Tókst ekki að sanna að Brim bæri ábyrgð á dauða sonar þeirra Innlent Fjöldi látinn eftir að verksmiðja sprakk í loft upp Innlent Þarf að una áminningu í máli móður í forsjárdeilu Innlent Nóbelsnefndin hafi valið pólitík fram yfir frið Erlent Venesúelskur stjórnarandstæðingur hlaut friðarverðlaun Nóbels Erlent Magga Stína í flugi á leið til Istanbúl Innlent Gummi reiður: „Kominn tími til að þeir sem ráða opni augun“ Innlent Fleiri fréttir Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Annar andstæðingur Trumps ákærður Hægagangur á rússneska hagkerfinu Sagðir skoða að færa Eurovision verði Ísraelum meinuð þátttaka Dómur þyngdur yfir nauðgara Pelicot Myndir: Hágrátið og hlegið þegar fréttir bárust af friðarsamkomulagi Von um frið en uggur um efndir Trump segir Hamas og Ísraela hafa náð samkomulagi Kenna Evrópu- og Bandaríkjamönnum um litlar líkur á friði Handtekinn fyrir að kveikja skæðasta eld Los Angeles Fá Nóbelsverðlaun fyrir þróun málmlífrænna grinda Tengdasonur Trumps mætir til Egyptalands Dularfull brotlending nærri Area 51 Trump og „maðurinn með ljáinn“ hóta að greiða ekki laun Engan óraði fyrir framhaldinu Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Tvö ár liðin frá árásum Hamas á Ísrael Vill vita hvað Úkraínumenn vilja gera við bandarískar stýriflaugar Hæstiréttur hafnar Maxwell Sjá meira