Gömlu samherjarnir frá Heerenveen mættust í æfingaleik

Alfreð Finnbogason og Albert Guðmundsson byrjuðu báðir þegar Augsburg og PSV Eindhoven gerðu markalaust jafntefli í æfingaleik í dag.

Alfreð og Albert þekkjast vel en þeir voru samherjar hjá Heerenveen á sínum tíma. Alfreð yfirgaf hollenska liðið árið 2014 en Albert skipti yfir í PSV ári seinna.

Alfreð og Albert voru teknir af velli eftir um 70 mínútur í leiknum í dag. Þeim tókst ekki að skora frekar en öðrum leikmönnum á vellinum.

Alfreð hefur verið í herbúðum Augsburg frá því í byrjun febrúar 2016. Hann var mikið meiddur á síðasta tímabili og spilaði aðeins 12 deildarleiki.

Albert fór á kostum með Jong PSV í hollensku B-deildinni í fyrra og var í hópi markahæstu manna. Spennandi verður að sjá hvort hann fær tækifæri með aðalliði PSV í vetur.

Finnbogason & Gudmundsson sem voru saman á mála hjá Heerenveen á sínum tíma mættust í æfingaleik í dag.#AUGPSV pic.twitter.com/rIMwVLx0R0

— Gummi Ben (@GummiBen) August 6, 2017