Klopp segir Coutinho ekki til sölu

Jürgen Klopp, stjóri Liverpool, segir að Brasilíumaðurinn Coutinho sé ekki til sölu en stórlið Barcelona hefur sýnt honum mikinn áhuga í sumar.

Barcelona mun hafa lagt fram tilboð upp á 72 milljónir punda í Coutinho en Liverpool mun hafa hafnað því.

„Ef maður segir að hann sé ekki til sölu, hvernig er hægt að túlka það?“ sagði Klopp. „Það þarf ekkert að túlka það. Hann er ekki til sölu. Það er ekkert nýtt.“

Coutinho var fyrirliði Liverpool í 3-0 sigri liðsins á Herthu Berlin í síðustu viku. Hann skoraði fjórtán mörk á síðustu leiktíð og skrifaði undir nýjan fimm ára samning við Liverpool í janúar.