Könnun: Vilt þú takmarka notkun reiðufjár?

Í dag var kynnt skýrsla starfshóps um umfang skattaundanskota og tillögur til aðgerða þar um en Benedikt Jóhannesson, fjármálaráðherra, kynnti skýrsluna á blaðamannafundi auk annarrar skýrslu sem gerð var um milliverðlagningu í utanríkisviðskiptum.

Í fyrrnefndu skýrslunni er lagt til að stjórnvöld setji sér stefnu til lengri tíma um að draga úr notkun reiðufjár í umferð. Er meðal annars lagt til að 10 þúsund króna og 5 þúsund króna seðlarnir verði teknir úr umferð. Aðgerðirnar eru liður í baráttunni við skattsvik að sögn ráðherra.

Starfshópurinn gerði SVÓT-greiningu fyrir takmörkun reiðufjárnotkunar en slík greining felur í sér að helstu styrkleikar, veikleikar, ógnir og tækifæri við verkefnið eru taldir upp.

SVÓT-greiningu starfshópsins má sjá á myndinni hér fyrir neðan og neðst í fréttinni geta lesendur svo tekið þátt í könnun þar sem hægt er að segja sína skoðun á því hvort maður vill takmarka notkun reiðufjár eða ekki.