Hafdís samdi við SönderjyskE

Markvörðurinn efnilegi Hafdís Renötudóttir er á leið til Danmerkur en hún hefur samið við SönderjyskE.

Hin 19 ára gamla Hafdís skrifaði undir eins árs samning við danska félagið en hún mun verja markið með hinni hollensku Claudia Rompen.

Hafdís varði vel í marki Stjörnunnar í vetur en liðið varð deildar- og bikarmeistari.

Hún er 192 sentimetrar að hæð og á framtíðina fyrir sér.

„Hafdís er eitt mesta efnið í Skandinavíu. Mjög spennandi leikmaður sem getur farið langt,“ segir Olivera Kecman, íþróttastjóri félagsins.