Mohammed Alhajali, 23 ára sýrlenskur flóttamaður, lét lífið í brunanum í Grenfell-turninum í Norður-Kensington aðfaranótt gærdagsins.
Í frétt Sky News segir að nafn Alhajali sé fyrsta nafn fórnarlamba brunans sem gert er opinbert.
Abdulaziz Almashi, annar stofnanda Syria Solidarity Campaign, samtaka sem vinnur að útbreiðslu frelsis, friðar og lýðræðis í Sýrlandi, staðfestir þetta í samtali við Sky.
Alhajali starfaði með samtökunum og segir Almashi hann hafa verið góðan og örlátan mann. „Ég trúi ekki að hann sé ekki hér,“ segir Almashi.
Alhajali stundaði nám í verkfræði við University of West London með það í huga að snúa aftur til Sýrlands í framtíðinni til að byggja upp landið á ný eftir hörmungar síðustu ára.
Bróðir Alhajali, Omar, var einnig í byggingunni þegar eldurinn kom upp, en er nú á sjúkrahúsi. Ástand hans er sagt stöðugt.
Fyrsta fórnarlamb brunans í London nafngreint
Tengdar fréttir
Breskur þingmaður óttast að hundruð hafi látist í brunanum
David Lammy segir það sem gerðist jafnast á við manndráp af hendi fyrirtækja.
„Maður verður algerlega hjálparvana gagnvart svona atburði"
Kristín Ólafsdóttir hefur tekið þátt í að aðstoða þá sem misstu heimili sín í London og segir mikinn samhug vera í samfélaginu.
Staðfest að sautján hafi látist í brunanum í London
Fastlega er búist við að fjöldi látinna komi til með að hækka.
