Viðskipti erlent

64 milljarðar út um gluggann

Stefán Ó. Jónsson skrifar
Vísir/epa
Virði International Airlines Group (IAG), eiganda flugfélagsins British Airways, lækkaði um ríflega hálfan milljarð punda, sem jafngildir 64 milljörðum króna, eftir að bilun í tölvukerfi raskaði flugi tugþúsunda farþega um helgina.

Hlutabréf í IAG hafa fallið um 4% í morgun en nær öll þjónusta British Airways lá niðri frá bresku flugvöllunum Heathrow og Gatwick á laugardag.

Sjá einnig: Hætt við allar flugferðir British Airways

Talið er að um 75 þúsund farþegar hafi orðið fyrir barðinu á biluninni um helgina. Flugfélagið segir í samtali við fjölmiðla í morgun að allt gangi nú samkvæmt áætlun en viðurkennir þó að fjöldi farþega hafi enn ekki fengið farangurinn sinn. Unnið sé hörðum höndum við að leysa úr flækjunni.

Sérfræðingar áætla að British Airways gæti þurft að greiða allt að 150 milljónir punda í bætur, um 19 milljarða króna, vegna tölvubilunarinnar. Fjöldi farþega þurfti að kaupa flugmiða hjá öðrum félögum með tilheyrandi kostnaði og segir í frétt Guardian að dæmi séu um að strandaglópar á Gatwick og Heathrow hafi þurft að greiða 200 þúsund krónur til að komast leiðar sinnar.

Fjölmargir hafa farið fram á afsögn forstjóra British Airways, Alex Cruz, vegna málsins sem hefur beðið viðskiptavini afsökunar og sagt að bilunin sé nú til rannsóknar. Hann fullyrðir að fátt bendi til þess að um tölvuárás hafi verið að ræða.

Fréttir af flugi

Tengdar fréttir



Mest lesið


Fleiri fréttir

Sjá meira


×

Mest lesið