Pascual jafnar met Alfreðs

Þegar Final Four helgin í Meistaradeildinni fer fram í byrjun júní mun Xavi Pascual, þjálfari Barcelona, jafna met Alfreðs Gíslasonar, þjálfara Kiel.

Alfreð hefur sex sinnum farið með Kiel í undanúrslit Meistaradeildarinnar eða oftar en nokkur annar þjálfari. Pascual kemst upp að hlið Alfreðs í sínu sjötta ferðalagi þangað 3. júní.

Til þess að komast þangað þá þurfti Barcelona að vinna Kiel í átta liða úrslitum keppninnar. Barcelona vann samtals með þriggja marka eftir tvo hörkuleiki.

Barcelona mun spila við Vardar í undanúrslitunum í Köln og í hinum leiknum spilar PSG við Aron Pálmarsson og félaga í Veszprém.