Einstaklega fallegt endaraðhús eftir Albínu Thordarson í Garðabæ

Við Reynilund í Garðabæ er til sölu einstaklega fallegt endaraðhús eftir arkitektinn Albínu Thordarson en hún fetaði í fótspor föður síns, Sigvalda Thordarsonar arkitekts, þegar hún hóf arkitektúrnám í Listaháskólanum í Kaupmannahöfn árið 1959.

Húsið er á einni hæð ásamt tvöföldum bílskúr. Á fasteignavef Vísis segir að húsið sé eintaklega vel hannað og vel skipulagt en raðhúsin hafa ratað í bækur um hönnun að því er fram kemur í fasteignaauglýsingunni.

Eins og sést á myndunum eru stórir stofugluggar sem snúa í suður og úr borðstofunni er gengið út á stóra suðurverönd. Þá er upprunalega eikarinnrétting í eldhúsinu sem hönnuð er af Albínu og sérsmíðuð inn í húsið á sínum tíma en það var byggt árið 1970.

Sjá nánar á fasteignavef Vísis.