Sjáðu sigurmark Swansea og öll hin úr enska boltanum

Það var mikið skorað í ensku úrvalsdeildinni í gær en mörkin úr leikjum gærdagsins eru öll komin á Vísi og má sjá hér fyrir neðan.

Gylfi Þór Sigurðsson og félagar í Swansea komu sér úr fallsæti með 1-0 sigri á Everton en aðeins tvær umferðir eru eftir af tímabilinu í Englandi.

Hull sat eftir í fallsæti eftir 2-0 tap fyrir botnliði Sunderland, sem er þegar fallið úr deildinni.

Leicester vann enn einn leikinn á heimavelli og Burnley fór langt með að bjarga sér eftir 2-2 jafntefli gegn West Brom. Þá komst Manchester City upp fyrir Liverpool í þriðja sæti deildarinnar með 5-0 stórsigri á Crystal Palace.

Tveir leikir eru á dagskrá ensku úrvalsdeildarinnar í dag og báðir eru þeir í beinni útsendingu á Stöð 2 Sport. Liverpool mætir Southampton klukkan 12.30 en að honum loknum tekur við upphitun fyrir stórleik Arsenal og Manchester United, sem hefst klkukkan 15.00.

West Ham - Tottenham 1-0

Bournemouth 2 - 2 Stoke

Burnley 2 - 2 West Brom

Hull 0 - 2 Sunderland

Leicester 3 - 0 Watford

Manchester City 5 - 0 Crystal Palace

Swansea 1 - 0 Everton