Albert Guðmundsson í hópnum hjá Eyjólfi

Eyjólfur Sverrisson, þjálfari 21 árs landsliðsins, hefur valið 22 manna hóp sem fer til Georgíu og Ítalíu seinna í þessum mánuði. Þetta kemur fram á heimasíðu Knattspyrnusambands Íslands.

Íslenska liðið mun leika þrjá vináttulandsleik á tæpri viku i til að undirbúa sig fyrir komandi undankeppni. Liðið leikur gegn Georgíu 22. og 25. mars í Georgíu og mætir síðan Sádí Arabíu á Ítalíu 28. mars.

Albert Guðmundsson, sem hefur skorað 8 mörk í síðustu 5 leikjum með PSV í hollensku b-deildinni, er í hópnum hjá Eyjólfi. Hann er einn af sex leikmönnum hans sem spila erlendis en hinir eru Alfons Sampsted hjá Norrköping, Axel Óskar Andrésson hjá Bath City, Júlíus Magnússon hjá Heerenveen, Jón Dagur Þorsteinsson hjá Fulham og Viktor Karl Einarsson hjá AZ Alkmaar.

Fjölnismenn eiga fjóra leikmenn í hópnum en það eru þeir Jökull Blængsson, Birnir Snær Ingason, Hans Viktor Guðmundsson og Ægir Jarl Jónasson.

Skagamenn eiga þrjá leikmenn í hópnum og þar á meðal er Tryggvi Hrafn Haraldsson sem hefur ekki spilað leik fyrir 21 árs landsliðið en spilaði sinn fyrsta A-landsleik á dögunum.

Hópurinn sem mætir Georgíu og Sádí Arabíu

Markmenn     

Jökull Blængsson, Fjölnir

Sindri Kristinn Ólafsson, Keflavík

    

Aðrir leikmenn     

Albert Guðmundsson, PSV

Alfons Sampsted, Norrköping

Aron Ingi Kristinsson, ÍA

Ari Leifsson, Fylkir

Arnór Gauti Ragnarsson, ÍBV

Axel Óskar Andrésson, Bath City

Ásgeir Sigurgeirsson, KA

Birnir Snær Ingason, Fjölnir

Grétar Snær Gunnarsson, FH

Hans Viktor Guðmundsson, Fjölnir

Hörður Ingi Gunnarsson, FH

Júlíus Magnússon, Heerenveen

Jón Dagur Þorsteinsson, Fulham

Kristófer Konráðsson, Stjarnan

Orri Sveinn Stefánsson, Fylkir

Sindri Scheving, Valur

Steinar Þorsteinsson, ÍA

Tryggvi Hrafn Haraldsson, ÍA

Viktor Karl Einarsson, AZ Alkmaar

Ægir Jarl Jónasson, Fjölnir