Boxleitner: Kom mér á óvart hvað strákarnir voru góðir

Sebastian Boxleitner stjórnaði upphitun hjá landsliðsmönnum á einu æfingunni hér í Kænugarði.  KSÍ réði hann til starfa í sumar.  

Hann er ánægður með standið á landsliðsmönnum og það kom honum á óvart í hve góðu formi þeir voru.  

„Á þessum fyrstu æfingum var ég ekki að sjá hve hratt þeir gætu hlaupið eða hátt þeir gætu hoppað. Ég var meira að leita eftir gæðunum, hvernig þeir hreyfa sig og það kom mér á óvart hve góðir þeir voru,“ segir Boxleitner.  

„Ég veit að þeir eru í góðu formi og núna erum við aðeins að vinna með litlu hlutina vegna þess hve skamman tíma við höfum til undirbúnings fyrir leikinn.“