Hólmbert svarar Gary: Ég er búinn að gleyma tilfinningunni sem fylgir því að skora

Gary Martin skoraði bæði mörk Víkings R. í 2-0 sigri á Víkingi Ó. í 8. umferð Pepsi-deildar karla í gærkvöldi.

Fyrir leikinn hafði Martin aðeins gert eitt mark í sjö deildarleikjum en Englendingurinn fór loksins almennilega í gang gegn Ólsurum.

Sjá einnig: Gary Martin: Ég er kominn aftur

Martin var greinilega létt en í dag birti hann mynd af sér á Twitter undir yfirskriftinni „Þessi tilfinning.“

Það hefur ekki gengið jafn vel hjá fyrrum samherja Martins hjá KR, Hólmberti Aroni Friðjónssyni, en hann bíður enn eftir sínu fyrsta marki í sumar.

Hólmbert hefur þó greinilega húmor fyrir þessari markaþurrð sinni en hann svaraði Martin og sagði: „Er hún góð? Ég er búinn að gleyma því.“

Fjallað var hrakfarir framherja KR á Vísi í gær en umfjöllunina má lesa með því að smella hér.

@G1Bov Is it good? I can't remember it

— Hólmbert Friðjónsson (@holmbert) June 25, 2016