Ísland í flottari búningum en England, Spánn og Brasilía

Íslenska fótboltalandsliðið mætir til leiks í nýjum sérstökum búningum sem voru hannaðir með Evrópumótið í huga og kynntir fyrr á árinu.

Íslenska liðið hefur spilað nokkra landsleiki í nýju búningunum í aðdraganda Evrópumótsins í Frakklandi og þeim hefur verið vel tekið.

Íslenski búningurinn kemur líka ágætlega út í sérstöku mati bresku íþróttasíðunnar talksport.com sem lagði upp með að finna flottasta landsliðsbúning sumarsins.

Blaðamenn talksport.com fóru yfir alla 40 heimabúningana hjá þeim þjóðum sem keppa annaðhvort á Evrópumótinu í Frakklandi eða í Ameríkukeppninni í Bandaríkjunum.

Ísland nær 18. sætinu af 40 þjóðum á þessum fróðlega lista sem er yfir meðalagi og í 10. sæti meðal þeirra 24 þjóða sem keppa á Evrópumótinu í Frakklandi.

Matsmenn talksport.com telja að íslenski búningurinn sé flottar en hjá miklum fótboltaþjóðum eins og Englandi, Spáni, Argentínu og Brasilíu.

Ísland myndi líka vinna riðilinn sinn  á EM í Frakklandi ef væri farið eftir mati talksport.com á flottustu búningunum því Ungverjaland er sæti neðar, Austurríki þremur sætum neðar og Portúgal fjórum sætum  neðar.

Hér fyrir neðan má sjá allan listann yfir flottustu búningana.

Flottustu heimabúningar landsliðssumarsins (Lið á EM 2016 og Copa Ameríka 2016)

1. Tyrkland

2. Kosta Ríka

3. Króatía

4. Þýskaland

5. Norður-Írland

6. Belgía

7. Írland

8. Bandaríkin

9. Haíti

10. Jamaíka

11. Frakkland

12. Paragvæ

13. Panama

14. Úrúgvæ

15. Mexíkó

16. Ítalía

17. Slóvakía

18. Ísland

19. Ungverjaland

20. England

21. Austurríki

22. Portúgal

23. Perú

24. Pólland

25. Síle

26. Spánn

27. Svíþjóð

28. Brasilía

29. Argentína

30. Tékkland

31. Sviss

32. Ekvador

33. Wales

34. Albanía

35. Rúmenía

36. Bólivía

37. Úkraína

38. Rússland

39. Venesúela

40. Kólumbía

Það er hægt að sjá alla þessa niðurtalningu í frétt á talksport.com.