Dorrit takmarkar skattbyrði sína með því að vera „utan lögheimilis“ Þorbjörn Þórðarson skrifar 3. maí 2016 19:45 Dorrit Moussaieff forsetafrú ber takmarkaða skattskyldu á Bretlandi og er skráð með fasta búsetu en „utan lögheimilis“ (e. non-domiciled) þar. Hún borgar samt enga skatta á Íslandi vegna þess að hún er ekki með lögheimili hér á landi. Þannig virðist vera á reiki hvort hún borgi yfirleitt einhverja skatta. Aflandsfélög í eigu forsetafrúarinnar hafa verið til umfjöllunar í erlendum fjölmiðlum.The Guardian fjallaði í gærkvöldi um tengsl Dorritar Moussaieff forsetafrúar við aflandsfélög í leynigögnum frá breska bankanum HSBC en gögnin stafa frá svissnesku útibúi bankans. Í umfjöllun blaðsins segir að gögnin sýni að forsetafrúin var einn af þremur meðlimum Moussaieff fjölskyldunnar sem sameiginlega áttu fyrirtæki á Bresku Jómfrúreyjum sem heitir Jaywick Properties Inc. Hún var einnig arfþegi sjóðsins Moussaieff Sharon Trust samkvæmt þessum sömu skjölum. Forsetinn og Dorrit gengu í hjónaband árið 2003. Hún varð íslenskur ríkisborgari 2006 og flutti lögheimili sitt til Íslands í kjölfarið. Árið 2012 var greint frá því að Dorrit borgaði ekki skatta í Íslandi. Í lok þess árs flutti hún lögheimili sitt aftur til Bretlands. Í síðasta mánuði fullyrti forsetinn í viðtali við CNN að hvorki hann né Dorrit hefðu tengsl við aflandsfélög. Á konan þín aflandsreikninga? Er eitthvað sem mun koma fram um þig og fjölskyldu þína? spurði Christiane Amanpour forsetann. „Nei, nei, nei, nei. Það verður ekki þannig,“ var svar forsetans við spurningunni. Þegar nafn forsetafrúarinnar er slegið inn í þjóðskrá kemur fram að hún sé búsett í Bretlandi. Forsetafrúin er skráð utan lögheimilis (e. non-domiciled) í Bretlandi en með fasta búsetu þar. Þessi skráning gerir henni kleift að takmarka skattbyrði sína í Bretlandi og hún greiðir enga af skatta af tekjum utan Bretlands nema hún flytji þessar sömu tekjur heim á reikninga í Bretlandi.„Það sem gerist er að ef maður kemur til Bretlands og maður er búsettur hérna þá getur maður sagt á þeim stað sem maður kemur frá eða hvar sem maður hefur viðskiptahagsmuni: Ekki skattleggja mig, ég er skattlagður í Bretlandi. Ég er skattborgari í Bretlandi. En svo getur maður sagt við skattayfirvöld í Bretlandi: Já, ég bý hérna en lögheimili mitt gæti breyst í framtíðinni. Það er smávægilegur munur á lögheimili og búsetu og þetta (skráning utan lögheimilis innsk.) er sérstaklega gagnlegt fyrir auðugt fólk með alþjóðlega viðskiptahagsmuni. Ef þeir eru skattborgarar í Bretlandi borga þeir skatt af öllu sem þeir vinna sér inn í Bretlandi en af því að þeir hafa vottorð upp á að þeir séu utan lögheimilis geta þeir sagt: Ekki skattleggja tekjur sem ég fæ utan Bretlands,“ segir Simon Bowers blaðamaður The Guardian en hann skrifaði fréttina um eignarhald Dorritar Moussaieff á aflandsfélögum í skattaskjólum. Skrifstofa forsetans hefur fullyrt að forsetafrúin greiði skatta í Bretlandi. Fjallað er um lekann úr HSBC bankanum og málefni Dorritar í breskum fjölmiðlum í gær og í dag. Velta má fyrir sér hvaða áhrif þetta muni koma til með að hafa á stöðu forsetans kosningabaráttunni sem er framundan eftir að hann sór af sér öll tengsl eiginkonu sinnar í viðtali við Christiane Amanpour á CNN í síðasta mánuði en forsetinn hefur sjálfur ávallt verið mjög gagnrýninn á aflandsfélög og skattaskjól. „Hann kom með þessa óvenjulegu fullyrðingu. Ég get ekki séð hvernig hægt sé að koma því heim og saman við afstöðu hans í dag, sem er að hann viti ekkert um málefni konunnar sinnar. Hann hefði vel getað sagt það við CNN eða aðra fréttamenn en hann gerði það ekki. Mér finnst það merkilegt,“ segir Simon Bowers. Forsetinn baðst undan viðtali. Í svari við fyrirspurn frá skrifstofu forsetans segir að forsetinn hafi hvorki nú né nokkru sinni haft vitneskju um fjárhagstengsl forsetafrúarinnar. Jafnframt vildi forsetinn árétta að hann hefði ávallt verið mjög gagnrýninn á aflandsfélög og skattaskjól og í áratugi talað fyrir réttlátu og sanngjörnu skattkerfi. Þá vildi hann koma á framfæri eftirfarandi texta frá lögfræðingi Dorritar í London: "Firstly, my client was born in Israel and her domicile is Israel as was that of her father. Secondly, my client is resident in the United Kingdom and pays tax here." Dorrit er handhafi íslensks og bresks vegabréfs en nýtir sér að vera skráð „utan lögheimilis“ í Bretlandi þar sem hún og faðir hennar fæddust í Ísrael. Sjá nánari upplýsingar um þessa tilhögun á gov.uk Mest lesið „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent Úkraína og Bandaríkin nálgast samkomulag Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Handtekinn grunaður um vasaþjófnað í miðborginni Innlent Morðhótunum í garð kvenna fari fjölgandi Innlent Rafmennt í samstarf og kaupir eignir þrotabúsins Innlent Engar reglur á Íslandi um hve mörg börn sæðisgjafar megi eignast Innlent Svona gæti veðrið litið út á sumardeginum fyrsta Veður Skoða hugsanlega breytingu á samstarfssamningi Norðurlanda Erlent Fleiri fréttir Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Sjá meira
Dorrit Moussaieff forsetafrú ber takmarkaða skattskyldu á Bretlandi og er skráð með fasta búsetu en „utan lögheimilis“ (e. non-domiciled) þar. Hún borgar samt enga skatta á Íslandi vegna þess að hún er ekki með lögheimili hér á landi. Þannig virðist vera á reiki hvort hún borgi yfirleitt einhverja skatta. Aflandsfélög í eigu forsetafrúarinnar hafa verið til umfjöllunar í erlendum fjölmiðlum.The Guardian fjallaði í gærkvöldi um tengsl Dorritar Moussaieff forsetafrúar við aflandsfélög í leynigögnum frá breska bankanum HSBC en gögnin stafa frá svissnesku útibúi bankans. Í umfjöllun blaðsins segir að gögnin sýni að forsetafrúin var einn af þremur meðlimum Moussaieff fjölskyldunnar sem sameiginlega áttu fyrirtæki á Bresku Jómfrúreyjum sem heitir Jaywick Properties Inc. Hún var einnig arfþegi sjóðsins Moussaieff Sharon Trust samkvæmt þessum sömu skjölum. Forsetinn og Dorrit gengu í hjónaband árið 2003. Hún varð íslenskur ríkisborgari 2006 og flutti lögheimili sitt til Íslands í kjölfarið. Árið 2012 var greint frá því að Dorrit borgaði ekki skatta í Íslandi. Í lok þess árs flutti hún lögheimili sitt aftur til Bretlands. Í síðasta mánuði fullyrti forsetinn í viðtali við CNN að hvorki hann né Dorrit hefðu tengsl við aflandsfélög. Á konan þín aflandsreikninga? Er eitthvað sem mun koma fram um þig og fjölskyldu þína? spurði Christiane Amanpour forsetann. „Nei, nei, nei, nei. Það verður ekki þannig,“ var svar forsetans við spurningunni. Þegar nafn forsetafrúarinnar er slegið inn í þjóðskrá kemur fram að hún sé búsett í Bretlandi. Forsetafrúin er skráð utan lögheimilis (e. non-domiciled) í Bretlandi en með fasta búsetu þar. Þessi skráning gerir henni kleift að takmarka skattbyrði sína í Bretlandi og hún greiðir enga af skatta af tekjum utan Bretlands nema hún flytji þessar sömu tekjur heim á reikninga í Bretlandi.„Það sem gerist er að ef maður kemur til Bretlands og maður er búsettur hérna þá getur maður sagt á þeim stað sem maður kemur frá eða hvar sem maður hefur viðskiptahagsmuni: Ekki skattleggja mig, ég er skattlagður í Bretlandi. Ég er skattborgari í Bretlandi. En svo getur maður sagt við skattayfirvöld í Bretlandi: Já, ég bý hérna en lögheimili mitt gæti breyst í framtíðinni. Það er smávægilegur munur á lögheimili og búsetu og þetta (skráning utan lögheimilis innsk.) er sérstaklega gagnlegt fyrir auðugt fólk með alþjóðlega viðskiptahagsmuni. Ef þeir eru skattborgarar í Bretlandi borga þeir skatt af öllu sem þeir vinna sér inn í Bretlandi en af því að þeir hafa vottorð upp á að þeir séu utan lögheimilis geta þeir sagt: Ekki skattleggja tekjur sem ég fæ utan Bretlands,“ segir Simon Bowers blaðamaður The Guardian en hann skrifaði fréttina um eignarhald Dorritar Moussaieff á aflandsfélögum í skattaskjólum. Skrifstofa forsetans hefur fullyrt að forsetafrúin greiði skatta í Bretlandi. Fjallað er um lekann úr HSBC bankanum og málefni Dorritar í breskum fjölmiðlum í gær og í dag. Velta má fyrir sér hvaða áhrif þetta muni koma til með að hafa á stöðu forsetans kosningabaráttunni sem er framundan eftir að hann sór af sér öll tengsl eiginkonu sinnar í viðtali við Christiane Amanpour á CNN í síðasta mánuði en forsetinn hefur sjálfur ávallt verið mjög gagnrýninn á aflandsfélög og skattaskjól. „Hann kom með þessa óvenjulegu fullyrðingu. Ég get ekki séð hvernig hægt sé að koma því heim og saman við afstöðu hans í dag, sem er að hann viti ekkert um málefni konunnar sinnar. Hann hefði vel getað sagt það við CNN eða aðra fréttamenn en hann gerði það ekki. Mér finnst það merkilegt,“ segir Simon Bowers. Forsetinn baðst undan viðtali. Í svari við fyrirspurn frá skrifstofu forsetans segir að forsetinn hafi hvorki nú né nokkru sinni haft vitneskju um fjárhagstengsl forsetafrúarinnar. Jafnframt vildi forsetinn árétta að hann hefði ávallt verið mjög gagnrýninn á aflandsfélög og skattaskjól og í áratugi talað fyrir réttlátu og sanngjörnu skattkerfi. Þá vildi hann koma á framfæri eftirfarandi texta frá lögfræðingi Dorritar í London: "Firstly, my client was born in Israel and her domicile is Israel as was that of her father. Secondly, my client is resident in the United Kingdom and pays tax here." Dorrit er handhafi íslensks og bresks vegabréfs en nýtir sér að vera skráð „utan lögheimilis“ í Bretlandi þar sem hún og faðir hennar fæddust í Ísrael. Sjá nánari upplýsingar um þessa tilhögun á gov.uk
Mest lesið „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent Úkraína og Bandaríkin nálgast samkomulag Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Handtekinn grunaður um vasaþjófnað í miðborginni Innlent Morðhótunum í garð kvenna fari fjölgandi Innlent Rafmennt í samstarf og kaupir eignir þrotabúsins Innlent Engar reglur á Íslandi um hve mörg börn sæðisgjafar megi eignast Innlent Svona gæti veðrið litið út á sumardeginum fyrsta Veður Skoða hugsanlega breytingu á samstarfssamningi Norðurlanda Erlent Fleiri fréttir Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Af Alþingi til Fjallabyggðar „Vísbendingar um að fjárhagur sé að vænkast hjá borginni“ „Þeir voru fullir af hatri á meðan þeir lömdu mig“ Engin mygla í 200 húsum byggingameistara á Selfossi „Með allra besta móti miðað við árstíma“ Jónas Ingimundarson er látinn Sjá meira