Síðast var tvíframlengt | Hvað gerist í kvöld?

KR og Njarðvík eru á nákvæmlega sama stað og fyrir ári síðan. Í undanúrslitaeinvígi, staðan er 2-2 og oddaleikur fram undan í DHL-höllinni.

Leikurinn í fyrra var einn skemmtilegasti leikur sem hefur farið fram hér á landi. Stútfullt hús skilaði geggjaðri stemningu og leikmenn sviku engan. Hann fór einmitt líka fram á föstudagskvöldi.

KR byrjaði leikinn með því að komast í 16-0 en Njarðvík kom til baka í síðari hálfleik.

Dramatíkin í lok venjulegs leiktíma og fyrri framlengingar var svakaleg en í seinni framlengingunni sigu Íslandsmeistararnir fram úr.

Hægt er að sjá helstu tilþrif leiksins hér að ofan.

Leikurinn í kvöld verður í beinni útsendingu á Stöð 2 Sport og hefst upphitun klukkan 18.40.