Naumur sigur Bayern í Köln

Bayern Munchen vann FC Köln með minnsta mun í þýsku úrvalsdeildinni í knattspyrnu í dag, en eftir sigurinn er Bayern með átta stiga forskot.

Bæjarar fóru áfram í Meistaradeildinni eftir framlengingu í vikunni, en Robert Lewandowski skoraði eina mark leiksins á tíundu mínútu og þar við sat.

Dortmund spilar ekki fyrr en á morgun, en þá mætir liðið Alfreði Finnbogasyni og félugum í Augsburg. Þá geta þeir minnkað forskot Bayern aftur í fimm stig.

Hertha Berlin er að gera frábæra hluti, en þeir sitja í þriðja sæti deildarinnar eftir 2-1 sigur á Ingolstadt. Genki Haraguchi og Salomon Kalou skoruðu mörk Herthu.

André Schürrle bjargaði stigi fyrir Wolfsburg gegn Darmstadt á heimavelli, en hann jafnaði metin í uppbótartíma. Wolfsburg er í áttunda sæti deildarinnar.

Úrslit dagsins:

FC Köln - Bayern Munchen 0-1

Hamburger SV - Hoffenheim 1-3

Hertha Berlin - Ingolstadt 2-1

Werder Bremen - Mainz 05 1-1

Wolfsburg - Darmstadt 1-1