Framsóknarmenn telja verðtryggingu ekki afnumda á meðan Bjarni er fjármálaráðherra Aðalsteinn Kjartansson skrifar 9. febrúar 2016 10:15 Framsóknarmenn vilja afnema verðtrygginguna en það vill fjármálaráðherra og hans flokkur ekki. Vísir/Daníel Þingmenn Framsóknarflokksins eru komin í startholurnar varðandi afnám verðtryggingar og eru ekki tilbúnir að bíða mikið lengur eftir því að Bjarni Benediktsson, fjármála- og efnahagsráðherra, komi fram með frumvarp um afnám verðtryggingar eða takmarkanir á verðtryggingunni. Sumarið og næsti vetur til stefnu Ekki er búið að útbúa heilsteypta áætlun um hvernig þingmenn flokksins munu standa að málinu og halda þeir þingmenn sem fréttastofa hefur rætt við enn í vonina um að ráðherrann standi við það plan sem lagt var upp með í stjórnarmyndunarviðræðum á næstu mánuðum. Eitt og hálft ár er eftir af þessu kjörtímabili en nær útilokað þykir að tillögur um afnám verðtryggingar komi fram á þessu þingi. Þá er sumarið og næsti vetur eftir til að afgreiða málið. Líklega mun talsverð umræða eiga sér stað í þinginu þegar málið loks ratar þar inn.Ómöguleiki með Bjarna Frosti Sigurjónsson, þingmaður flokksins, sagði í viðtali við Stjórnmálavísi í síðustu viku að þingmenn flokksins væru orðnir langeygir eftir frumvarpi um málið frá ráðherra og tók Silja Dögg Gunnarsdóttir flokkssystir hans undir það í þættinum Sprengisandi á Bylgjunni um helgina. „Við höfum mjög miklar áhyggjur og erum ekki að fara í kosningabaráttu án þess að vera búin að leggja eitthvað fram um verðtrygginguna. Það bara kemur ekki til greina,“ sagði Silja Dögg í Sprengisandi á sunnudag. Þegar fréttastofa hefur rætt við þingmenn flokksins „off record“, eða ekki undir nafni, er enn þyngra hljóð í þeim. Upplifun þeirra sem fréttastofa hefur rætt við er sú að ekkert muni þokast í afnámi verðtryggingarinnar á meðan að Bjarni er í fjármálaráðuneytinu. Stjórnarsáttmálinn ekki berorður Einn orðaði það sem svo að Sjálfstæðisflokkurinn hlyti að líta á það sem svo að hann hefði staðið við ákvæði stjórnarsáttmálans með því að styðja skipun sérfræðihóps forsætisráðherra sem fór yfir leiðir til afnáms verðtryggingarinnar árið 2013. Sigríður Ingibjörg Ingadóttir, þingmaður Samfylkingarinnar.Vísir/ErnirStjórnarsáttmálinn segir einfaldlega: „Æskilegt er að nýta það tækifæri sem gefst samhliða skuldaleiðréttingu til að breyta sem flestum verðtryggðum lánum í óverðtryggð.“ Ekki er talað um með berum orðum að afnema verðtrygginguna. Hins vegar átti að skipa áðurnefnda nefnd: „Sérfræðinefnd um afnám verðtryggingar af neytendalánum og endurskipulagningu húsnæðislánamarkaðarins verður skipuð á fyrstu dögum nýrrar ríkisstjórnar og mun skila af sér fyrir næstu áramót.“Stuðningur úr óvæntri áttÞeir framsóknarþingmenn sem fréttastofa ræddi við minntust allir á þingmannafrumvarp þeirra Sigríðar Ingibjargar Ingadóttur og Helga Hjörvars, þingmanna Samfylkingar, sem með mjög einföldum hætti bannar verðtryggingu neytendalána, þar með talið fasteignaveðlána einstaklinga. Ólíklega kemst það frumvarp nokkur tímann á dagskrá þingsins og þannig til umræðu á meðal þingmanna. Stuðningurinn við hugmyndir Framsóknar um afnám verðtryggingar kom hins vegar úr óvæntri átt þar sem Samfylkingin hefur það ekki á sinni stefnu að afnema hana. Þetta hefur þó sýnt framsóknarmönnum að stuðningur er við hugmyndir þeirra um afnám hafta á þingi út fyrir flokkinn. Stjórnmálavísir Mest lesið „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Fegurð er glæpur kom út í mínus Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira
Þingmenn Framsóknarflokksins eru komin í startholurnar varðandi afnám verðtryggingar og eru ekki tilbúnir að bíða mikið lengur eftir því að Bjarni Benediktsson, fjármála- og efnahagsráðherra, komi fram með frumvarp um afnám verðtryggingar eða takmarkanir á verðtryggingunni. Sumarið og næsti vetur til stefnu Ekki er búið að útbúa heilsteypta áætlun um hvernig þingmenn flokksins munu standa að málinu og halda þeir þingmenn sem fréttastofa hefur rætt við enn í vonina um að ráðherrann standi við það plan sem lagt var upp með í stjórnarmyndunarviðræðum á næstu mánuðum. Eitt og hálft ár er eftir af þessu kjörtímabili en nær útilokað þykir að tillögur um afnám verðtryggingar komi fram á þessu þingi. Þá er sumarið og næsti vetur eftir til að afgreiða málið. Líklega mun talsverð umræða eiga sér stað í þinginu þegar málið loks ratar þar inn.Ómöguleiki með Bjarna Frosti Sigurjónsson, þingmaður flokksins, sagði í viðtali við Stjórnmálavísi í síðustu viku að þingmenn flokksins væru orðnir langeygir eftir frumvarpi um málið frá ráðherra og tók Silja Dögg Gunnarsdóttir flokkssystir hans undir það í þættinum Sprengisandi á Bylgjunni um helgina. „Við höfum mjög miklar áhyggjur og erum ekki að fara í kosningabaráttu án þess að vera búin að leggja eitthvað fram um verðtrygginguna. Það bara kemur ekki til greina,“ sagði Silja Dögg í Sprengisandi á sunnudag. Þegar fréttastofa hefur rætt við þingmenn flokksins „off record“, eða ekki undir nafni, er enn þyngra hljóð í þeim. Upplifun þeirra sem fréttastofa hefur rætt við er sú að ekkert muni þokast í afnámi verðtryggingarinnar á meðan að Bjarni er í fjármálaráðuneytinu. Stjórnarsáttmálinn ekki berorður Einn orðaði það sem svo að Sjálfstæðisflokkurinn hlyti að líta á það sem svo að hann hefði staðið við ákvæði stjórnarsáttmálans með því að styðja skipun sérfræðihóps forsætisráðherra sem fór yfir leiðir til afnáms verðtryggingarinnar árið 2013. Sigríður Ingibjörg Ingadóttir, þingmaður Samfylkingarinnar.Vísir/ErnirStjórnarsáttmálinn segir einfaldlega: „Æskilegt er að nýta það tækifæri sem gefst samhliða skuldaleiðréttingu til að breyta sem flestum verðtryggðum lánum í óverðtryggð.“ Ekki er talað um með berum orðum að afnema verðtrygginguna. Hins vegar átti að skipa áðurnefnda nefnd: „Sérfræðinefnd um afnám verðtryggingar af neytendalánum og endurskipulagningu húsnæðislánamarkaðarins verður skipuð á fyrstu dögum nýrrar ríkisstjórnar og mun skila af sér fyrir næstu áramót.“Stuðningur úr óvæntri áttÞeir framsóknarþingmenn sem fréttastofa ræddi við minntust allir á þingmannafrumvarp þeirra Sigríðar Ingibjargar Ingadóttur og Helga Hjörvars, þingmanna Samfylkingar, sem með mjög einföldum hætti bannar verðtryggingu neytendalána, þar með talið fasteignaveðlána einstaklinga. Ólíklega kemst það frumvarp nokkur tímann á dagskrá þingsins og þannig til umræðu á meðal þingmanna. Stuðningurinn við hugmyndir Framsóknar um afnám verðtryggingar kom hins vegar úr óvæntri átt þar sem Samfylkingin hefur það ekki á sinni stefnu að afnema hana. Þetta hefur þó sýnt framsóknarmönnum að stuðningur er við hugmyndir þeirra um afnám hafta á þingi út fyrir flokkinn.
Stjórnmálavísir Mest lesið „Við eigum margar rómantískar stundir í vinnunni“ Atvinnulíf Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Fegurð er glæpur kom út í mínus Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira