Selfoss getur hirt toppsætið af Breiðabliki í stórslagnum í kvöld Ingvi Þór Sæmundsson skrifar 23. júní 2015 08:45 Selfoss hefur unnið sex leiki í röð. vísir/ernir Sjöunda umferð Pepsi-deildar kvenna hefst með þremur leikjum í kvöld; Íslands- og bikarmeistarar Stjörnunnar sækja ÍBV heim, Afturelding og KR mætast í Mosfellsbænum og loks tekur Breiðablik á móti Selfossi í stórleik umferðarinnar. Breiðablik hefur byrjað tímabilið af fítonskrafti; unnið fimm leiki af sex og gert eitt jafntefli, skorað 22 mörk og aðeins fengið á sig tvö. Selfoss er einu stigi á eftir Blikum en liðið hefur unnið fimm leiki í röð eftir tap fyrir Fylki í 1. umferðinni. Selfoss getur því með sigri í kvöld komist á topp deildarinnar í fyrsta sinn í sögu félagsins.Breiddin og reynslan Blikamegin „Það væri áfangi hjá Selfossi að komast á toppinn en það gefur þeim ekkert í lokin,“ sagði Freyr Alexandersson, þjálfari íslenska kvennalandsliðsins, þegar Fréttablaðið fékk hann til að líta á leikinn. „En ef Selfoss vinnur í kvöld er liðið bæði búið að vinna Stjörnuna og Breiðablik og þá held ég að allir ættu að fara að taka þær alvarlega,“ bætti Freyr við, en hann telur nágrannaliðin, Stjörnuna og Breiðablik, enn skrefi framar en Selfoss sem hefur verið í stöðugri sókn síðan liðið kom upp í Pepsi-deildina 2012. „Liðið er gott, vel skipulagt, í góðu formi og útlendingarnir hafa komið vel inn í þetta, en Stjarnan og Breiðablik eru með meiri breidd og búa yfir meiri reynslu. Þessi lið eru alltaf á undan í þessu kapphlaupi um titilinn en það getur allt gerst í fótbolta.“ Í viðtali sem birtist í Fréttablaðinu í gær sagðist landsliðskonan Dagný Brynjarsdóttir ætla að klára tímabilið með Selfossi, sem eru frábærar fréttir fyrir liðið sem hefur unnið alla sex leikina, í deild og bikar, síðan hún kom inn í liðið. Dagný er í algjöru lykilhlutverki hjá Selfossi en það eru fleiri leikmenn sem hafa staðið sig með prýði og liðsheildin er sterk.Mikil liðsheild hjá Selfossi „Þær eru í mjög góðu líkamlegu formi og það sést á því að þær klára leikina vanalega af miklum krafti. Liðsheildin er góð; þetta eru mest allt stelpur af Suðurlandinu sem þekkjast vel. Og svo eru þær með Dagnýju og Guðmundu Brynju (Óladóttur) sem geta klárað leiki upp á sitt eindæmi,“ sagði Freyr en sú síðarnefnda er komin með fimm mörk í deildinni í sumar. Selfoss er með þrjá erlenda leikmenn í sínum röðum; miðvörðinn Summer Williams, markvörðinn Chante Sandiford og framherjann Donnu Kay Henry. Sú síðastnefnda, sem hefur leikið landsleiki fyrir Jamaíka, er eldfljót og mikill íþróttamaður, þótt ákvarðanatöku hennar á síðasta þriðjungnum sé stundum ábótavant. Talandi um fljóta framherja, þá hefur Breiðablik nóg af þeim í sínum röðum. Tvær þeirra, Fanndís Friðriksdóttir og Telma Hjaltalín Þrastardóttir, hafa verið iðnar við kolann í sumar og skorað samtals 13 deildarmörk; Fanndís sjö og Telma sex. Freyr hefur hrifist af leik þeirra í sumar. „Það er gott fyrir mig sem landsliðsþjálfara að sjá Fanndísi í þessu formi. Hún er búin að vera framúrskarandi. Það eru ekki bara mörkin hennar sem ég er ánægður með heldur hafa ákvarðanatökurnar verið mjög góðar og hún er að taka leikina til sín sem hún þarf að gera. „Telma hefur einnig byrjað frábærlega og það er greinilegt að þjálfararnir hafa sett mikið traust á hana,“ sagði Freyr, sem telur að innkoma Málfríðar Ernu Sigurðardóttur og Hallberu Gísladóttur hafi haft jákvæð áhrif á lið Breiðabliks, sem virðist þroskaðra og einbeittara en síðustu ár. „Blikaliðið er orðið miklu jafnara í öllum leikstöðum og það sem hefur kannski lagast mest er að það spilar vörn sem lið. Mér finnst hvergi veikan blett að finna á liðinu,“ bætti Freyr við en Blikar hafa fengið á sig fæst mörk í deildinni (2). En við hvernig leik býst Freyr í kvöld? „Ég á von á jöfnum leik og það verður örugglega spilað af mikilli hörku. Leikmenn þekkja hver annan út og inn og það mun ekkert koma á óvart. Þetta verður harður leikur en vonandi skemmtilegur og á eftir að ráðast á einu marki, til eða frá,“ sagði Freyr að lokum. Pepsi Max-deild kvenna Mest lesið Sjáðu gullstrákana í Vestra fagna: „Vorum bara miklu stærra lið“ Íslenski boltinn Fyrsta félagið með tvö fórnarlömb skotárása í liðinu Sport Græddu meira en milljarð á kokteilum á US Open Sport Van Dijk um Rio: Draumabyrjun en hann verður að vera auðmjúkur Enski boltinn Rio setti nýtt Liverpool met Enski boltinn Óskar Hrafn: Stundum hata ég fótbolta Íslenski boltinn Sextán ára strákur tryggði Liverpool öll stigin Enski boltinn Slot hefur enga samúð með Eddie Howe vegna Isaks Enski boltinn Selja „Isak er rotta“ treyjur fyrir utan völlinn og eldspýtur fylgja með Enski boltinn Jökull: Förum ekki hærra með svona frammistöðu Íslenski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira
Sjöunda umferð Pepsi-deildar kvenna hefst með þremur leikjum í kvöld; Íslands- og bikarmeistarar Stjörnunnar sækja ÍBV heim, Afturelding og KR mætast í Mosfellsbænum og loks tekur Breiðablik á móti Selfossi í stórleik umferðarinnar. Breiðablik hefur byrjað tímabilið af fítonskrafti; unnið fimm leiki af sex og gert eitt jafntefli, skorað 22 mörk og aðeins fengið á sig tvö. Selfoss er einu stigi á eftir Blikum en liðið hefur unnið fimm leiki í röð eftir tap fyrir Fylki í 1. umferðinni. Selfoss getur því með sigri í kvöld komist á topp deildarinnar í fyrsta sinn í sögu félagsins.Breiddin og reynslan Blikamegin „Það væri áfangi hjá Selfossi að komast á toppinn en það gefur þeim ekkert í lokin,“ sagði Freyr Alexandersson, þjálfari íslenska kvennalandsliðsins, þegar Fréttablaðið fékk hann til að líta á leikinn. „En ef Selfoss vinnur í kvöld er liðið bæði búið að vinna Stjörnuna og Breiðablik og þá held ég að allir ættu að fara að taka þær alvarlega,“ bætti Freyr við, en hann telur nágrannaliðin, Stjörnuna og Breiðablik, enn skrefi framar en Selfoss sem hefur verið í stöðugri sókn síðan liðið kom upp í Pepsi-deildina 2012. „Liðið er gott, vel skipulagt, í góðu formi og útlendingarnir hafa komið vel inn í þetta, en Stjarnan og Breiðablik eru með meiri breidd og búa yfir meiri reynslu. Þessi lið eru alltaf á undan í þessu kapphlaupi um titilinn en það getur allt gerst í fótbolta.“ Í viðtali sem birtist í Fréttablaðinu í gær sagðist landsliðskonan Dagný Brynjarsdóttir ætla að klára tímabilið með Selfossi, sem eru frábærar fréttir fyrir liðið sem hefur unnið alla sex leikina, í deild og bikar, síðan hún kom inn í liðið. Dagný er í algjöru lykilhlutverki hjá Selfossi en það eru fleiri leikmenn sem hafa staðið sig með prýði og liðsheildin er sterk.Mikil liðsheild hjá Selfossi „Þær eru í mjög góðu líkamlegu formi og það sést á því að þær klára leikina vanalega af miklum krafti. Liðsheildin er góð; þetta eru mest allt stelpur af Suðurlandinu sem þekkjast vel. Og svo eru þær með Dagnýju og Guðmundu Brynju (Óladóttur) sem geta klárað leiki upp á sitt eindæmi,“ sagði Freyr en sú síðarnefnda er komin með fimm mörk í deildinni í sumar. Selfoss er með þrjá erlenda leikmenn í sínum röðum; miðvörðinn Summer Williams, markvörðinn Chante Sandiford og framherjann Donnu Kay Henry. Sú síðastnefnda, sem hefur leikið landsleiki fyrir Jamaíka, er eldfljót og mikill íþróttamaður, þótt ákvarðanatöku hennar á síðasta þriðjungnum sé stundum ábótavant. Talandi um fljóta framherja, þá hefur Breiðablik nóg af þeim í sínum röðum. Tvær þeirra, Fanndís Friðriksdóttir og Telma Hjaltalín Þrastardóttir, hafa verið iðnar við kolann í sumar og skorað samtals 13 deildarmörk; Fanndís sjö og Telma sex. Freyr hefur hrifist af leik þeirra í sumar. „Það er gott fyrir mig sem landsliðsþjálfara að sjá Fanndísi í þessu formi. Hún er búin að vera framúrskarandi. Það eru ekki bara mörkin hennar sem ég er ánægður með heldur hafa ákvarðanatökurnar verið mjög góðar og hún er að taka leikina til sín sem hún þarf að gera. „Telma hefur einnig byrjað frábærlega og það er greinilegt að þjálfararnir hafa sett mikið traust á hana,“ sagði Freyr, sem telur að innkoma Málfríðar Ernu Sigurðardóttur og Hallberu Gísladóttur hafi haft jákvæð áhrif á lið Breiðabliks, sem virðist þroskaðra og einbeittara en síðustu ár. „Blikaliðið er orðið miklu jafnara í öllum leikstöðum og það sem hefur kannski lagast mest er að það spilar vörn sem lið. Mér finnst hvergi veikan blett að finna á liðinu,“ bætti Freyr við en Blikar hafa fengið á sig fæst mörk í deildinni (2). En við hvernig leik býst Freyr í kvöld? „Ég á von á jöfnum leik og það verður örugglega spilað af mikilli hörku. Leikmenn þekkja hver annan út og inn og það mun ekkert koma á óvart. Þetta verður harður leikur en vonandi skemmtilegur og á eftir að ráðast á einu marki, til eða frá,“ sagði Freyr að lokum.
Pepsi Max-deild kvenna Mest lesið Sjáðu gullstrákana í Vestra fagna: „Vorum bara miklu stærra lið“ Íslenski boltinn Fyrsta félagið með tvö fórnarlömb skotárása í liðinu Sport Græddu meira en milljarð á kokteilum á US Open Sport Van Dijk um Rio: Draumabyrjun en hann verður að vera auðmjúkur Enski boltinn Rio setti nýtt Liverpool met Enski boltinn Óskar Hrafn: Stundum hata ég fótbolta Íslenski boltinn Sextán ára strákur tryggði Liverpool öll stigin Enski boltinn Slot hefur enga samúð með Eddie Howe vegna Isaks Enski boltinn Selja „Isak er rotta“ treyjur fyrir utan völlinn og eldspýtur fylgja með Enski boltinn Jökull: Förum ekki hærra með svona frammistöðu Íslenski boltinn Fleiri fréttir Sjáðu gullstrákana í Vestra fagna: „Vorum bara miklu stærra lið“ Van Dijk um Rio: Draumabyrjun en hann verður að vera auðmjúkur Rio setti nýtt Liverpool met Óskar Hrafn: Stundum hata ég fótbolta Jökull: Förum ekki hærra með svona frammistöðu Inter byrjar tímabilið á stórsigri Örvar: Tökum þessa þrjá punkta og förum brosandi heim Sextán ára strákur tryggði Liverpool öll stigin Uppgjör: KR-Stjarnan 1-2 | Örvar kom Stjörnunni inn í titilbaráttuna Ísak Andri lagði upp mark í langþráðum sigri Selja „Isak er rotta“ treyjur fyrir utan völlinn og eldspýtur fylgja með Slot hefur enga samúð með Eddie Howe vegna Isaks Markvörður ÍBV kominn með fimm gul spjöld í sumar Heljarmennið sem fagnaði eins og Schwarzenegger Sjáðu dramatíkina í Krikanum og mörkin fyrir norðan „Við eigum bestu stuðningsmenn á landinu“ Foreldrum Bellinghams bannað að koma í klefann hjá Dortmund „Óskar seldi mér bara hugmyndina sína“ „Getur ekki látið 140 milljóna punda mann í varaliðið“ Fer í aðgerð á föstudag og frá í sex til átta mánuði Isak utan vallar en þó í forgrunni Saka frá í mánuð og missir af Liverpool Botna lítið í Amorim: „Hann er ein taugahrúga“ Rooney feginn að Dowman tók ekki vítið Töpuðu 15-0 í síðasta leik og mættu ekki til leiks í gær Fernandes ósáttur: „Dómarinn baðst ekki afsökunar“ Sjáðu Grealish fara á kostum og öll mörkin í gær Fáni stuðningsmanna Palace til rannsóknar Mbappé afgreiddi Real Oviedo Albert lagði upp mark Fiorentina Sjá meira