Á maganum úti í móa Skjóðan skrifar 18. mars 2015 12:00 Utanríkisráðherra hefur í umboði ríkisstjórnarinnar farið sendiferð með lettersbréf til handa ráðamönnum í ESB. Menn eru ósammála um efni bréfsins og hefur það þó verið birt opinberlega á tveimur tungumálum. Sumir halda því fram að það hafi enga merkingu aðra en þá að árétta alkunna stefnu ríkisstjórnarinnar. Aðrir fullyrða að með þessu litla bréfi sé formlega búið að slíta aðildarviðræðum Íslands við ESB. Bréfið átti að koma í veg fyrir vandræðagang ríkisstjórnarinnar með málið inni á Alþingi vegna boðaðrar þingsályktunartillögu um formleg viðræðuslit. Ríkisstjórnin prófaði þá leið í fyrra og varð að draga tillöguna til baka þegar ljóst var að hún lamaði þingstörf og fór gegn vilja kjósenda. Já, þetta þingræði er full þunglamalegt, sérstaklega fyrir ráðherra sem hafa brýnum erindum að gegna í útlöndum svona að jafnaði. Nú er allt orðið vitlaust í þjóðfélaginu þrátt fyrir að engin kæmi fram þingsályktunin. Stjórnarandstaðan boðar hertöku þingmála. Forystumenn ríkisstjórnarinnar eru sakaðir um stórkostlegustu kosningasvik síðari tíma vegna þess að þeir lofuðu allir sem einn að þjóðin fengi að ráða framtíð ESB umsóknarinnar og að þjóðaratkvæðagreiðsla færi fram á þessu kjörtímabili. Sú herkænska ríkisstjórnarinnar að halda málinu frá þinginu virðist hafa snúist upp í andhverfu sína. ESB málið er ekki fyrsta málið sem ríkisstjórnin lendir í miklum vandræðum með. Stjórnarflokkarnir ná ekki saman um fiskveiðistjórnun. Í skattamálum hefur Sjálfstæðisflokkurinn snúið Framsókn niður. Skuldaleiðrétting hefur valdið vonbrigðum. Verðtryggingin verður ekki afnumin. Ekki blasir við að fjármagnshöft verði afnumin á næstunni þrátt fyrir að öllum sé ljós nauðsyn þess. Framtíðarsýn skortir. Í stuttu máli er hver höndin upp á móti annrri innan ríkisstjórnarmeirihlutans. Engin samstaða um helstu mál og fylgi beggja stjórnarflokka nærri sögulegu lágmarki samkvæmt könnunum. Sé ríkisstjórninni líkt við bíl þá er sá bíll pikkfastur á maganum lengt úti í móa. Kannski þessi ESB ólæti og viðbrögð stjórnarandstöðunnar gagnist stjórnarliðum við að benda á stjórnarandstöðuna og kenna henni um eigin vandræðagang. Er ESB sprengjan kannski ekkert annað en smjörklípa til að dreifa athyglinni frá því að ríkisstjórnin er nánast óstarfhæf? Greinilega var það misráðið af ríkisstjórninni að hreyfa við ESB málinu nú. Almenn og þegjandi sátt virtist komin á um að engin þjóðaratkvæðagreiðsla færi fram um ESB á kjörtímabilinu og málið væri í salti. Nú hefur sú sátt verið rofin. Ríkisstjórnin hefur glatað tiltrú og verður vart meira en eins konar starfsstjórn fram að næstu kosningum, sem óhjákvæmilega munu snúast um þjóðarvilja um framhald ESB umsóknarinnar.Skjóðan skrifar í Markaðinn í Fréttablaðinu á miðvikudögum. Hún er frekju- og leiðindaskjóða, sem lætur ekkert mannlegt sér óviðkomandi. Alþingi Skjóðan Mest lesið „Það fyrsta sem ég segi er „Góða morgun““ Atvinnulíf Íslensk fyrirtæki geti endurheimt verulegar fjárhæðir Viðskipti innlent Tvöfaldar tolla á innflutt stál og ál Viðskipti erlent Þau keyptu fyrir tuttugu milljónir í útboðinu Viðskipti innlent Í hópi þeirra sem hlutu Viator Experience-verðlaunin Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Sektaðar fyrir að trassa með verðmerkingar á Selfossi Neytendur Fyrsta íslenska grænkera ostagerðin í hættu Viðskipti innlent Heiður Björk tekur við eftir brotthvarf Gunnars Egils Viðskipti innlent „Þetta er ekki mjög töff en ég get ekki að þessu gert“ Atvinnulíf Fleiri fréttir Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Tap útgerðarinnar vegna fjárfestinga í fiskeldi nemur milljörðum Sjá meira
Utanríkisráðherra hefur í umboði ríkisstjórnarinnar farið sendiferð með lettersbréf til handa ráðamönnum í ESB. Menn eru ósammála um efni bréfsins og hefur það þó verið birt opinberlega á tveimur tungumálum. Sumir halda því fram að það hafi enga merkingu aðra en þá að árétta alkunna stefnu ríkisstjórnarinnar. Aðrir fullyrða að með þessu litla bréfi sé formlega búið að slíta aðildarviðræðum Íslands við ESB. Bréfið átti að koma í veg fyrir vandræðagang ríkisstjórnarinnar með málið inni á Alþingi vegna boðaðrar þingsályktunartillögu um formleg viðræðuslit. Ríkisstjórnin prófaði þá leið í fyrra og varð að draga tillöguna til baka þegar ljóst var að hún lamaði þingstörf og fór gegn vilja kjósenda. Já, þetta þingræði er full þunglamalegt, sérstaklega fyrir ráðherra sem hafa brýnum erindum að gegna í útlöndum svona að jafnaði. Nú er allt orðið vitlaust í þjóðfélaginu þrátt fyrir að engin kæmi fram þingsályktunin. Stjórnarandstaðan boðar hertöku þingmála. Forystumenn ríkisstjórnarinnar eru sakaðir um stórkostlegustu kosningasvik síðari tíma vegna þess að þeir lofuðu allir sem einn að þjóðin fengi að ráða framtíð ESB umsóknarinnar og að þjóðaratkvæðagreiðsla færi fram á þessu kjörtímabili. Sú herkænska ríkisstjórnarinnar að halda málinu frá þinginu virðist hafa snúist upp í andhverfu sína. ESB málið er ekki fyrsta málið sem ríkisstjórnin lendir í miklum vandræðum með. Stjórnarflokkarnir ná ekki saman um fiskveiðistjórnun. Í skattamálum hefur Sjálfstæðisflokkurinn snúið Framsókn niður. Skuldaleiðrétting hefur valdið vonbrigðum. Verðtryggingin verður ekki afnumin. Ekki blasir við að fjármagnshöft verði afnumin á næstunni þrátt fyrir að öllum sé ljós nauðsyn þess. Framtíðarsýn skortir. Í stuttu máli er hver höndin upp á móti annrri innan ríkisstjórnarmeirihlutans. Engin samstaða um helstu mál og fylgi beggja stjórnarflokka nærri sögulegu lágmarki samkvæmt könnunum. Sé ríkisstjórninni líkt við bíl þá er sá bíll pikkfastur á maganum lengt úti í móa. Kannski þessi ESB ólæti og viðbrögð stjórnarandstöðunnar gagnist stjórnarliðum við að benda á stjórnarandstöðuna og kenna henni um eigin vandræðagang. Er ESB sprengjan kannski ekkert annað en smjörklípa til að dreifa athyglinni frá því að ríkisstjórnin er nánast óstarfhæf? Greinilega var það misráðið af ríkisstjórninni að hreyfa við ESB málinu nú. Almenn og þegjandi sátt virtist komin á um að engin þjóðaratkvæðagreiðsla færi fram um ESB á kjörtímabilinu og málið væri í salti. Nú hefur sú sátt verið rofin. Ríkisstjórnin hefur glatað tiltrú og verður vart meira en eins konar starfsstjórn fram að næstu kosningum, sem óhjákvæmilega munu snúast um þjóðarvilja um framhald ESB umsóknarinnar.Skjóðan skrifar í Markaðinn í Fréttablaðinu á miðvikudögum. Hún er frekju- og leiðindaskjóða, sem lætur ekkert mannlegt sér óviðkomandi.
Alþingi Skjóðan Mest lesið „Það fyrsta sem ég segi er „Góða morgun““ Atvinnulíf Íslensk fyrirtæki geti endurheimt verulegar fjárhæðir Viðskipti innlent Tvöfaldar tolla á innflutt stál og ál Viðskipti erlent Þau keyptu fyrir tuttugu milljónir í útboðinu Viðskipti innlent Í hópi þeirra sem hlutu Viator Experience-verðlaunin Viðskipti innlent Birta lista yfir kaupendur: Á annað þúsund keypti fyrir tuttugu milljónir Viðskipti innlent Sektaðar fyrir að trassa með verðmerkingar á Selfossi Neytendur Fyrsta íslenska grænkera ostagerðin í hættu Viðskipti innlent Heiður Björk tekur við eftir brotthvarf Gunnars Egils Viðskipti innlent „Þetta er ekki mjög töff en ég get ekki að þessu gert“ Atvinnulíf Fleiri fréttir Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Kvika vinsælasta stelpan á ballinu Bein útsending: Viðurkenningarhátíð Sjálfbærniássins Auður hefur innreið sína á húsnæðislánamarkað Vextir lækka hjá Íslandsbanka Lokun kísilvers á Bakka: „Þetta er grátbölvað“ Arion vill sameinast Kviku Birta lista yfir kaupendur: Á annað þúsund keypti fyrir tuttugu milljónir Bein útsending: Ársfundur Samáls Vilja að stjórnvöld greiði leið kísilversins á Bakka Play tekur flugið til Agadir Halla nýr yfirlögfræðingur Emblu Medical Stöðva rekstur á Bakka í júlí og segja 80 manns upp störfum Heimar mega kaupa Grósku Tap útgerðarinnar vegna fjárfestinga í fiskeldi nemur milljörðum Sjá meira