Spáði rétt fyrir um sigurlagið Lilja Björk Hauksdóttir skrifar 21. febrúar 2015 12:00 Sigga Beinteins ætlar að verja tíma með fjölskyldunni um helgina auk þess að syngja með Stjórninni í kvöld. vísir/GVA Sigríður Beinteinsdóttir hefur lengi verið ein af uppáhaldssöngkonum þjóðarinnar. Hún er reyndur Eurovisionfari og kom fram á dögunum í undankeppni Söngvakeppni Sjónvarpsins með öðrum dívum sem hafa farið í lokakeppnina. Þar sungu þær lagið Non ho l‘età sem vann keppnina árið 1964 en Ellý Vilhjálms söng lagið á íslensku undir heitinu Heyr mína bæn. „Þetta var æðislega skemmtilegt, þær eru allar svo yndislegar þessar söngkonur og ég held að það hafi skinið í gegn hjá okkur hvað okkur fannst þetta frábært,“ segir Sigga. Aðspurð segir hún þær hafa fengið fyrirspurnir um að koma aftur fram saman og hún segir það vel geta verið, það komi bara í ljós.María nær langt í eurovisionSigga var búin að segja að lögin Once Again og Unbroken með þeim Friðriki Dór og Maríu Ólafsdóttur yrðu efst í keppninni áður en úrslitakeppnin í Söngvakeppninni fór fram um síðustu helgi. „Ég setti þessi lög á toppinn og var viss um að Unbroken myndi vinna. Hún María sem syngur Unbroken er alveg frábær, hún hefur svo mikla útgeislun og fallega nærveru og ég veit að hún á eftir að standa sig vel. Ég held að þetta lag geti gert mikið fyir okkur úti, það hefur einhvern erlendan blæ yfir sér sem ég held að eigi eftir að virka vel. Það lag er aðeins hraðara en Once Again og ég held að það gefi okkur meira en ballaða, annars var Friðrik Dór alveg frábær líka. Það var gaman að sjá svona mikið af ungu fólki í keppninni en það var komin þörf á að fá meira af nýju fólki inn í tónlistarlífið hér á Íslandi. Mér fannst lögin í ár mikið betri en oft áður, það voru mun fleiri lög góð núna.“Pabbi kemur á alla tónleikaÞað eru mörg járn í eldinum hjá Siggu þessa dagana en meðal verkefna eru tónleikar á Akureyri þann sjöunda mars næstkomandi. „Við Guðrún Gunnars og Jógvan Hansen höfum verið með tónleikana Við eigum samleið – lögin sem allir elska í einhvern tíma í Salnum. Þetta er mjög skemmtilegt verkefni þar sem við syngjum gömlu, góðu íslensku lögin sem við Guðrún dáðum og dýrkuðum þegar við vorum litlar. Svo kemur Jógvan ferskur inn því hann er bara ellefu ára gamall Íslendingur eins og hann segir sjálfur þannig að þessi skemmtilegu gömlu lög eru ný fyrir honum. Á milli laga segjum við sögur og gerum grín hvert að öðru og lögunum, þetta er mjög létt og skemmtilegt og fólki hefur líkað þetta vel. Nú ætlum við að bjóða Norðlendingum upp á þetta og ferðast eitthvað um landið með tónleikana en svo verðum við í Salnum síðasta vetrardag,“ segir Sigga. Hún segir fólk á mjög breiðu aldursbili hafa gaman að tónleikunum. „Pabbi minn kemur til dæmis á alla tónleika hjá okkur. Hann verður 83 ára á árinu og hann elskar þetta. Svo erum við að sjá fólk alveg frá þrítugu, þetta eru lög sem svo margir þekkja og kunna.“Söngvaborg fimmtán áraSigga hefur í gegnum árin átt sér marga unga aðdáendur en hún og María Björk gáfu saman út mynddiskana um Söngvaborg. „Nú er Söngvaborg orðin fimmtán ára og við erum að hugsa um að hafa stóra afmælisveislu í sumar fyrir alla litlu stubbana og erum auk þess að undirbúa nýja Söngvaborg 7. Við höfum lengi fengið fyrirspurnir um hvort við ætlum ekki að gefa út nýja Söngvaborg og ætlum nú að verða við þeim óskum en okkur finnst þetta alltaf ofsalega skemmtileg verkefni.“Ekki mjög rómantískÍ kvöld verður Sigga að spila með Stjórninni á árshátíð en bandið hittist annað slagið og setur saman dagskrá þegar óskað er eftir því. „Stjórnin hefur alltaf verið stemningsband og við leggjum mikið upp úr því að ná upp stuði og spila það sem fólk vill heyra. Þetta er annasöm helgi hjá mér og ég verð að spila lengi fram eftir í kvöld og fæ því að sofa út á konudaginn á morgun.“ Hún svarar því hlæjandi að það sé aldrei að vita hvort hún fái svo morgunmat í rúmið í tilefni dagsins. „Ég hef seint verið talin rómantísk sjálf en ég vona að ég skáni nú eitthvað með aldrinum. Það er mikið að gera hjá okkur báðum í vinnu og að hugsa um börnin þannig að lítill tími gefst fyrir rómantík en maður verður að reyna,“ segir hún og brosir.Tvíburarnir ólíkir karakterarSigga og kona hennar, Birna María Björnsdóttir, eiga saman tvíburana Viktor Beintein og Alexöndru Líf sem verða fjögurra ára í apríl. „Lífsstíllinn minn hefur breyst mjög mikið eftir að við eignuðumst þau. Núna nýti ég daginn í að vinna í því sem er á döfinni og að búa til verkefni. Þegar klukkan er orðin fjögur þá loka ég tölvunni og er með þeim, það er bara yndislegt. Þau eru mjög ólíkir karakterar, Viktor er rosalega ljúfur og blíður, hún er miklu ákveðnari og algjör töffari. Það kom mér á óvart hve snemma karakterinn kemur í ljós. Ég hélt að við fengjum einstaklinga í hendurnar sem hægt væri að móta nánast að eigin vild en þegar maður kynnist þessu sjálfur þá sér maður að börn fæðast með sterkan karakter. Tvíburarnir eru á svo skemmtilegum aldri núna að við erum hlæjandi út í eitt. Það er ofsalega gaman að heyra þau tala saman og ég segi stundum eina góða sögu af þeim. Þau voru að leika sér inni í herbergi og ég heyrði Alexöndru biðja Viktor um að koma í feluleik, þá svarar hann: „nei, ég er hræddur um að týnast.“ Hún svarar þá bara „ó“ eins og það gæti alveg gerst og þau hætta við leikinn,“ segir Sigga og hlær sínum smitandi hlátri. Eurovision Mest lesið Kynntust í Keflavík og gista saman í villu í Kenýa Ferðalög Skömminni skilað Gagnrýni „Léleg“ hönnun gervigreindar reyndist mannanna verk Menning Sárþjáður Eyfi sendur með sjúkrabíl og skellt í aðgerð Lífið Stelur af Sigga Bond: „Þá ætla ég að tala við Hannes Hólmstein“ Lífið Skilnaðar-toppur í París Tíska og hönnun Dreymir um að finna fólkið sem gaf hana frá sér Lífið Götulistamaðurinn Jójó látinn Lífið Friðrik Ómar bauð upp á sveppi – og Villi hefði elskað það! Gagnrýni Gelluorkan í hæstu hæðum hjá Ginu Tíska og hönnun Fleiri fréttir Stelur af Sigga Bond: „Þá ætla ég að tala við Hannes Hólmstein“ „Finn ekki fyrir pressu“ Þórunn Elísabet og Jón selja í Vesturbænum Götulistamaðurinn Jójó látinn Hvernig er best að byggja upp traust? Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Dreymir um að finna fólkið sem gaf hana frá sér Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hundi Sunnevu og tók með í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Sjá meira
Sigríður Beinteinsdóttir hefur lengi verið ein af uppáhaldssöngkonum þjóðarinnar. Hún er reyndur Eurovisionfari og kom fram á dögunum í undankeppni Söngvakeppni Sjónvarpsins með öðrum dívum sem hafa farið í lokakeppnina. Þar sungu þær lagið Non ho l‘età sem vann keppnina árið 1964 en Ellý Vilhjálms söng lagið á íslensku undir heitinu Heyr mína bæn. „Þetta var æðislega skemmtilegt, þær eru allar svo yndislegar þessar söngkonur og ég held að það hafi skinið í gegn hjá okkur hvað okkur fannst þetta frábært,“ segir Sigga. Aðspurð segir hún þær hafa fengið fyrirspurnir um að koma aftur fram saman og hún segir það vel geta verið, það komi bara í ljós.María nær langt í eurovisionSigga var búin að segja að lögin Once Again og Unbroken með þeim Friðriki Dór og Maríu Ólafsdóttur yrðu efst í keppninni áður en úrslitakeppnin í Söngvakeppninni fór fram um síðustu helgi. „Ég setti þessi lög á toppinn og var viss um að Unbroken myndi vinna. Hún María sem syngur Unbroken er alveg frábær, hún hefur svo mikla útgeislun og fallega nærveru og ég veit að hún á eftir að standa sig vel. Ég held að þetta lag geti gert mikið fyir okkur úti, það hefur einhvern erlendan blæ yfir sér sem ég held að eigi eftir að virka vel. Það lag er aðeins hraðara en Once Again og ég held að það gefi okkur meira en ballaða, annars var Friðrik Dór alveg frábær líka. Það var gaman að sjá svona mikið af ungu fólki í keppninni en það var komin þörf á að fá meira af nýju fólki inn í tónlistarlífið hér á Íslandi. Mér fannst lögin í ár mikið betri en oft áður, það voru mun fleiri lög góð núna.“Pabbi kemur á alla tónleikaÞað eru mörg járn í eldinum hjá Siggu þessa dagana en meðal verkefna eru tónleikar á Akureyri þann sjöunda mars næstkomandi. „Við Guðrún Gunnars og Jógvan Hansen höfum verið með tónleikana Við eigum samleið – lögin sem allir elska í einhvern tíma í Salnum. Þetta er mjög skemmtilegt verkefni þar sem við syngjum gömlu, góðu íslensku lögin sem við Guðrún dáðum og dýrkuðum þegar við vorum litlar. Svo kemur Jógvan ferskur inn því hann er bara ellefu ára gamall Íslendingur eins og hann segir sjálfur þannig að þessi skemmtilegu gömlu lög eru ný fyrir honum. Á milli laga segjum við sögur og gerum grín hvert að öðru og lögunum, þetta er mjög létt og skemmtilegt og fólki hefur líkað þetta vel. Nú ætlum við að bjóða Norðlendingum upp á þetta og ferðast eitthvað um landið með tónleikana en svo verðum við í Salnum síðasta vetrardag,“ segir Sigga. Hún segir fólk á mjög breiðu aldursbili hafa gaman að tónleikunum. „Pabbi minn kemur til dæmis á alla tónleika hjá okkur. Hann verður 83 ára á árinu og hann elskar þetta. Svo erum við að sjá fólk alveg frá þrítugu, þetta eru lög sem svo margir þekkja og kunna.“Söngvaborg fimmtán áraSigga hefur í gegnum árin átt sér marga unga aðdáendur en hún og María Björk gáfu saman út mynddiskana um Söngvaborg. „Nú er Söngvaborg orðin fimmtán ára og við erum að hugsa um að hafa stóra afmælisveislu í sumar fyrir alla litlu stubbana og erum auk þess að undirbúa nýja Söngvaborg 7. Við höfum lengi fengið fyrirspurnir um hvort við ætlum ekki að gefa út nýja Söngvaborg og ætlum nú að verða við þeim óskum en okkur finnst þetta alltaf ofsalega skemmtileg verkefni.“Ekki mjög rómantískÍ kvöld verður Sigga að spila með Stjórninni á árshátíð en bandið hittist annað slagið og setur saman dagskrá þegar óskað er eftir því. „Stjórnin hefur alltaf verið stemningsband og við leggjum mikið upp úr því að ná upp stuði og spila það sem fólk vill heyra. Þetta er annasöm helgi hjá mér og ég verð að spila lengi fram eftir í kvöld og fæ því að sofa út á konudaginn á morgun.“ Hún svarar því hlæjandi að það sé aldrei að vita hvort hún fái svo morgunmat í rúmið í tilefni dagsins. „Ég hef seint verið talin rómantísk sjálf en ég vona að ég skáni nú eitthvað með aldrinum. Það er mikið að gera hjá okkur báðum í vinnu og að hugsa um börnin þannig að lítill tími gefst fyrir rómantík en maður verður að reyna,“ segir hún og brosir.Tvíburarnir ólíkir karakterarSigga og kona hennar, Birna María Björnsdóttir, eiga saman tvíburana Viktor Beintein og Alexöndru Líf sem verða fjögurra ára í apríl. „Lífsstíllinn minn hefur breyst mjög mikið eftir að við eignuðumst þau. Núna nýti ég daginn í að vinna í því sem er á döfinni og að búa til verkefni. Þegar klukkan er orðin fjögur þá loka ég tölvunni og er með þeim, það er bara yndislegt. Þau eru mjög ólíkir karakterar, Viktor er rosalega ljúfur og blíður, hún er miklu ákveðnari og algjör töffari. Það kom mér á óvart hve snemma karakterinn kemur í ljós. Ég hélt að við fengjum einstaklinga í hendurnar sem hægt væri að móta nánast að eigin vild en þegar maður kynnist þessu sjálfur þá sér maður að börn fæðast með sterkan karakter. Tvíburarnir eru á svo skemmtilegum aldri núna að við erum hlæjandi út í eitt. Það er ofsalega gaman að heyra þau tala saman og ég segi stundum eina góða sögu af þeim. Þau voru að leika sér inni í herbergi og ég heyrði Alexöndru biðja Viktor um að koma í feluleik, þá svarar hann: „nei, ég er hræddur um að týnast.“ Hún svarar þá bara „ó“ eins og það gæti alveg gerst og þau hætta við leikinn,“ segir Sigga og hlær sínum smitandi hlátri.
Eurovision Mest lesið Kynntust í Keflavík og gista saman í villu í Kenýa Ferðalög Skömminni skilað Gagnrýni „Léleg“ hönnun gervigreindar reyndist mannanna verk Menning Sárþjáður Eyfi sendur með sjúkrabíl og skellt í aðgerð Lífið Stelur af Sigga Bond: „Þá ætla ég að tala við Hannes Hólmstein“ Lífið Skilnaðar-toppur í París Tíska og hönnun Dreymir um að finna fólkið sem gaf hana frá sér Lífið Götulistamaðurinn Jójó látinn Lífið Friðrik Ómar bauð upp á sveppi – og Villi hefði elskað það! Gagnrýni Gelluorkan í hæstu hæðum hjá Ginu Tíska og hönnun Fleiri fréttir Stelur af Sigga Bond: „Þá ætla ég að tala við Hannes Hólmstein“ „Finn ekki fyrir pressu“ Þórunn Elísabet og Jón selja í Vesturbænum Götulistamaðurinn Jójó látinn Hvernig er best að byggja upp traust? Þótti ekki viðeigandi að gefa fagaðilum gervitittlinga „Guð skapaði þig og hann gerir ekki mistök“ „Finnst við oft gleyma þeim sem geta ekki tjáð sig“ Dreymir um að finna fólkið sem gaf hana frá sér Krúttlegustu áheyrnarprufur ársins Kossaflens á klúbbnum Sjóðheitar skvísur í hvolpajóga brutu næstum Internetið Sárþjáður Eyfi sendur með sjúkrabíl og skellt í aðgerð „Hálfur áratugur með þér my love“ Herra stal hundi Sunnevu og tók með í Bannað að hlæja Enn veldur Britney áhyggjum „Ég er tilbúin að vera þetta ofurpar sem okkur er ætlað að verða“ Trúlofuðu sig í laxveiði Höfundur hinna erótísku Rutshire Chronicles-bóka látinn Áróðursvélar Netanjahús séu á fullu blasti í Eurovision Stjörnulífið: „Mesta milf Íslands“ „Ég hef tapað vinum á því að eiga peninga“ Sonur Tinu Turner látinn Óraunverulegt að kaupa íbúð í miðborg London Krakkatían: Bannað að hlæja, Friðarsúlan og Iceguys Sat uppi með útgáfu af sjálfri sér sem hún kunni ekki við Ungir Sjálfstæðismenn samankomnir á sambandsþingi Fréttatía vikunnar: Play, fiskbúðingur og stjörnuskilnaður Gerður í Blush hennar helsta fyrirmynd Útbjó lágkolvetna prógram fyrir systur sína sem léttist strax og fékk meiri orku Sjá meira