Zlatan skoraði í heimkomunni | Öll úrslit kvöldsins

Zlatan Ibrahimovic sneri aftur til Malmö í kvöld þegar heimamenn tóku á móti Frakklandsmeisturum Paris Saint-Germain.

Zlatan sýndi uppeldisfélaginu enga miskunn en hann skoraði eitt marka PSG í 0-5 sigri.

Adrien Rabiot kom Frökkunum yfir strax á 3. mínútu og á þeirri fjórtándu bætti Ángel Di María öðru marki við.

Staðan var 0-2 í hálfleik en á 50. mínútu bætti Zlatan þriðja marki PSG við. Svíinn fagnaði markinu hóflega af virðingu við uppeldisfélag sitt.

Mark Zlatans má sjá í spilaranum hér að ofan.

Di María bætti öðru marki sínu við á 68. mínútu áður en Lucas Moura nelgdi síðasta naglann í kistu Malmö átta mínútum fyrir leikslok.

PSG endar í 2. sæti riðilsins hvernig svo sem úrslitin í lokaumferðinni verða.

Real Madrid vinnur riðilinn en lærisveinar Rafa Benítez unnu 3-4 sigur á Shakhtar Donetsk í miklum markaleik í Úkraínu.

Cristiano Ronaldo skoraði tvívegis fyrir Real Madrid og þeir Luka Modric og Daniel Carvajal voru sömuleiðis á skotskónum.

Madrídingar voru komnir í 0-4 á 70. mínútu en leikmenn Shakhtar gáfust ekki upp og skoruðu þrjú mörk á 11 mínútum undir lok leiks. Það dugði þó ekki til.

Úrslitin í Meistaradeildinni í kvöld:

A-riðill:



Malmö 0-5 Paris Saint-Germain

0-1 Adrien Rabiot (3.), Ángel Di María (14.), 0-3 Zlatan Ibrahimovic (50.), 0-4 Di María (68.), 0-5 Lucas Moura (82.).

Shakhtar Donetsk 3-4 Real Madrid

0-1 Cristiano Ronaldo (18.), 0-2 Luka Modric (50.), 0-3 Daniel Carvajal (52.), 0-4 Ronaldo (70.), 1-4 Alex Teixeira, víti (77.), 2-4 Dentinho (83.), 3-4 Teixeira (88.).

B-riðill:



Man Utd 0-0 PSV Eindhoven

CSKA Moskva 0-2 Wolfsburg

0-1 Igor Akinfeev, sjálfsmark (67.), 0-2 André Schürrle (88.).

C-riðill:

FC Astana 2-2 Benfica

1-0 Patrick Twumasi (19.), 2-0 Marin Anicic (31.), 2-1 Raúl Jiménez (40.), 2-2 Jiménez (72.).

Atletico Madrid 2-0 Galatasary

1-0 Antoine Griezmann (13.), 2-0 Griezmann (65.)

D-riðill:



Juventus 1-0 Man City

1-0 Mario Mandzukic (18.)

Borussia Monchengladbach 4-2 Sevilla

1-0 Lars Stindl (29.), 2-0 Fabian Johnson (68.), 3-0 Raffael (78.), 3-1 Vitolo (82.), 4-1 Stindl (83.), 4-2 Ever Banega, víti (90+1).