Dómari vitnaði í lög Swift í úrskurðarorðum sínum

Dómari í Bandaríkjunum hefur hafnað kröfu R&B tónlistarmannsins Jesse Graham þess efnis að Taylor Swift greiði honum 42 milljónir dollara fyrir að stela línu úr lagi hans. Línan, „haters gonna hate“ kemur fyrir í lagi Swift, Shake it Off.

Kröfunni var hafnað á þeim grundvelli að Graham hefði bara alls ekki fundið upp á frasanum „haters gonna hate“. Málssóknin þótti hin undarlegasta frá upphafi en áður hafði Graham farið fram á að hann yrði gerður einn af meðhöfundum lagsins og fengi að taka „selfie“ af sér og Swift saman.

A ridiculous Taylor Swift dismissal order is the only way to toss out a ridiculous Taylor Swift #copyright lawsuit. pic.twitter.com/5JAc7iAzVz

— Bill Donahue (@BDonahueLaw360) November 12, 2015

Dómarinn sem kvað upp úrskurð í málinu virðist hins vegar hafa haft skopskyn fyrir því öllu saman því í úrskurðarorðinu má finna fjöldan allan af vísunum í texta Swift. Má þar á meðal nefna lög á borð við Blank Space, Shake it Off og Bad Blood en það má ábyggilega finna fleiri.

Úrskurðarorðin má finna hér að ofan og nú er bara spurning hvað lesendur Vísis geta fundið margar vísanir í Swift í þeim.