Sýndu myndband til minningar um Guðbjart

Myndband til minningar um Guðbjart Hannesson, fyrrverandi ráðherra og forseta Alþingis, var sýnt á minningarstund um Guðbjart sem fram fór á flokkstjórnarfundi Samfylkingarinnar á Akranesi, heimabæ Guðbjarts, sem fram fór í gær.

Guðbjartur lést af völdum krabbameins í síðasta mánuði, 65 ára að aldri.

Guðbjartur hafði setið á þingi frá árinu 2007 fyrir Samfylkinguna. Hann var félags- og tryggingamálaráðherra og heilbrigðisráðherra árið 2010. Þá var hann velferðarráðherra á árunum 2011 til 2013. Hann var forseti Alþingis árið 2009.

Hann starfaði lengi sem kennari og var skólastjóri Grundaskóla á Akranesi frá 1981 til 2007.

Sjá má myndbandið að neðan.