Toppaðu þig með topp

Það fá margir löngum í að breyta hárinu á sér þegar árstíðarskipti eiga sér stað. Auðveldasta breytingin fyrir marga er að klippa á sig topp.

Það eru þó mjög margir sem sjá eftir því að klippa á sig topp viku síðar og þrá ekkert heitar en að hann síkki sem fyrst. Algengasta ástæðan er að fólk er óvant því að hafa topp og gengur illa að ráða við hann. Hér eru nokkur góð ráð fyrir þær sem langar að hjóla í toppinn:

-Ekki klippa hann sjálf. Farðu á hárgreiðslustofu, því annars er hætta á að enda með stórslys.

-Hárblásarinn er nýji besti vinur þinn. Toppana þarf oftast að bleyta og blása til á morgnana. Ef toppurinn er fínn, skiptir minna máli ef hárið sjálft er úfið.

-Finndu þinn stíl og hvað passar við þína klippingu hvort sem það er stuttur, beinn eða 60's toppur.

-Hársprey, þurrsjampó og greiða geta gert kraftaverk fyrir flatan og leiðinlegan topp.



Glamour tók saman nokkrar vel valdar konur sem klæðir það vel að vera með topp þó að ólíkar séu. Innblástur til að taka með sér á hárgreiðslustofuna?