Öruggur sigur Dortmund sem byrjar vel

Dortmund hefur leiktíðina af krafti í þýsku úrvalsdeildinni í knattspyrnu, en þeir hafa unnið báða leiki sína í upphafi móts 4-0. Í dag unnu þeir nýliðana í Ingolstadt.

Staðan var markalaus í hálfleik, en í síðari hálfleik fóru hlutirnir að gerast. Matthias Ginter kom Dortmund yfir á 61. mínútu og fimm mínútum síðar tvöfaldaði Marco Reus forystuna úr vítaspyrnu.

Shinji Kagawa skoraði þriðja mark Dortmund fimm mínútum fyrir leikslok og Pierre-Emerick Aubameyang rak síðasta naglann í líkkistu Ingolstadt. Lokatölur 4-0.

Dortmund er á toppnum með sex stig eftir leikina tvo, en Thomast Tuchel byrjar vel sem stjóri Dortmund. Þeir hafa skorað átta mörk og ekki fengið neitt einasta á sig.