Segir styttast í að ráðgátan um MH370 leysist

Tony Abbott, forsætisráðherra Ástralíu, segir styttast í að ráðgátan um hvarf malaísku farþegaþotunnar MH370 leysist, eftir að staðfest var að vænghluti sem fannst á Reunion-eyju á Indlandshafi væri úr þotunni sjálfri. Leit að vélinni verði framhaldið og segist viss um að nú sé verið að leita á réttu svæði.

Forsætisráðherra Malasíu, Najib Razak, tilkynnti í gær að brakið væri úr MH370, en sérfræðingar hafa þó ekki viljað staðfesta frásögn hans. Líklegt sé að hluturinn sé úr þotunni, en að ekki sé hægt að staðfesta það.