Ágúst Þór Jóhannsson, landsliðsþjálfari kvenna í handbolta, hefur valið landsliðshóp sinn fyrir umspilsleikina við Svartfjallaland og vináttulandsleiki við Pólland.
Ágúst Þór valdi 23 leikmenn að þessu sinni en þar á meðal eru nýkrýndi fimmfaldi Íslandsmeistarinn Anna Úrsúla Guðmundsdóttir og leikmaður ársins, Kristín Guðmundsdóttir, sem koma nú báðar aftur inn í landsliðið.
Anna Úrsúla hefur ekki spilað með landsliðinu frá EM í Serbíu 2012 en Kristín lék síðast með landsliðinu fyrir meira en áratug.
Karen Knútsdóttir, fyrirliði liðsins, er hinsvegar frá vegna meiðsla og verður sárt saknað í þessum leikjum.
Ágúst Þór valdi tvo nýliða í hópinn en það eru Fylkisstelpan Thea Imani Sturludóttir og Gróttustelpan Eva Björk Davíðsdóttir.
Leikirnir í Póllandi eru: 29. maí kl. 15.30 og 30.maí kl. 16.00.
Leikirnir við Svartfellinga eru: 7. júní í Svartfjallandi kl. 18.30 og 14. júní í Laugardalshöllinni kl. 14.30.
Hópurinn er skipaður eftirtöldum leikmönnum:
Markmenn:
Florentina Stanciu, Stjarnan
Guðrún Ósk Maríasdóttir, FH
Melkorka Mist Gunnarsdóttir, Fylkir
Aðrir leikmenn:
Anna Úrsúla Guðmundsdóttir, Grótta
Arna Sif Pálsdóttir, SK Aarhus
Ásta Birna Gunnarsdóttir, Fram
Birna Berg Haraldsdóttir, Sävehof
Eva Björk Davíðsdóttir, Grótta
Helena Rut Örvarsdóttir, Stjarnan
Hildigunnur Einarsdóttir, Tertnes
Hildur Þorgeirsdóttir, Koblenz
Hrafnhildur Hanna Þrastardóttir, Selfoss
Karólína Lárudóttir, Grótta
Kristín Guðmundsdóttir, Valur
Ragnheiður Júlíusdóttir, Fram
Ramune Pekarskyte, LE Havre
Rut Jónsdóttir, Randers
Steinunn Hansdóttir, Skanderborg
Sunna Jónsdóttir, BK Heid
Thea Imani Sturludóttir, Fylkir
Unnur Ómarsdóttir, Skrim
Þórey Rósa Stefánsdóttir, Våg Vipers
Þórey Anna Ásgeirsdóttir, Kongsvinger
