Wolfsburg heldur áfram að safna liði

Wolfsburg hefur tryggt sér þjónustu þýska framherjans Max Kruse næstu fjögur árin. Upplýsingar um kaupverðið liggja ekki fyrir.

Kruse, sem er 27 ára, kemur frá Borussia Monchengladbach þar sem hann hefur spilað frá 2013.

Kruse hefur skorað 11 mörk í 30 deildarleikjum í vetur og alls 36 mörk í þýsku Bundesligunni.

Kruse hefur verið viðloðandi þýska landsliðið undanfarin ár og skorað eitt mark í 11 landsleikjum.

Wolfsburg er í 2. sæti deildarinnar með 65 stig, tveimur meira en Monchengladbach sem er í því þriðja.