Of Monsters and Men skapa líf í nýju myndbandi

Nýjasta myndband Of Monsters and Men leit dagsins í ljós en það er við lagið Crystals sem er af væntanlegri plötu sveitarinnar, Beneath the Skin.

Leikstjórar myndbandsins eru þeir Arni og Kinski en myndbandið var tekið upp í myndveri Saga Film fyrir nokkrum vikum en að framleiðslu þess kom fyrirtækið True North. Töluverður fjöldi kom að vinnslu þess og var mikil leynd á tökustað.

Í myndbandinu er fylgst með því hvernig meðlimir sveitarinnar ná að skapa manneskju með aðstoð sérkennilegrar vélar.