Leikmenn íslenska landsliðsins voru í góðu skapi þegar þeir hittu fjölmiðlamenn á hóteli sínu í Doha í morgun en Vignir Svavarsson segir að sigurinn á Egyptalandi í gær hafi vitanlega farið vel í menn.
„Þessi leikur situr bara vel í okkur. Við unnum en við vorum ekkert frábærir og ég held að við vitum alveg að það var margt sem við hefðum getað gert betur. Við þurfum að bæta úr því fyrir morgundaginn,“ sagði Vignir en viðtalið má heyra í heild sinni efst í fréttinni.
Ísland mætir Danmörku í 16-liða úrslitum keppninnar á morgun og ljóst að strákarnir þurfa að eiga sinn besta dag til að leggja Dani að velli.
Strákarnir unnu Dani í æfingaleik í upphafi mánaðarins en Vignir segir að það hafi ekkert að segja. „Ekki neitt. Æfingaleikir gefa einhverja mynda af stöðu liðanna en þeir eru helst nýttir til að gefa leikmönnum tækifæri og prófa ýmislegt.“
„Við unnum þennan leik með einu marki og það eina sem það segir manni að þetta séu svipuð lið. Það þurfti ekki æfingaleik til að segja mér það.“
Guðmundur Guðmundsson, fyrrum landsliðsþjálfari Íslands, verður nú við varamannabekk hins liðsins og Vignir segir að það hafi verið gaman að mæta honum í æfingaleiknum í Álaborg.
„Það var gaman að sjá hann skoppa á hliðarlínunni og öskra á hina - ekki mann sjálfan. Það var skemmtilegt en það er alltaf gaman að spila við Dani, hvort sem Gummi er þar eða einhver annar. En við erum að leikgreina liðið, ekki þjálfarann.“
Vignir: Gaman að sjá Gumma öskra á hina

Tengdar fréttir

Umfjöllun, viðtöl og myndir: Egyptaland - Ísland 25-28 | Strákarnir stóðust prófið
Ísland er komið í 16-liða úrslit HM í handbolta eftir frábæran sigur á Egyptalandi á HM í Katar.

Alexander: Pressan er öll á Gumma
Alexander Petersson fagnaði því að fá gamla góða Guðjón Val Sigurðsson aftur í kvöld.

Það er von með Aron - ekki útilokað að hann spili gegn Dönum
Stórskyttu íslenska landsliðsins líður mun betur og gæti verið með í leiknum gegn Dönum á morgun.

Guðjón Valur markahæstur í íslenska liðinu eftir riðlakeppnina | Vignir oftast út af
Íslenska landsliðið í handbolta tryggði sér sem kunnugt er sæti í 16-liða úrslitum með þriggja marka sigri, 28-25, á Egyptalandi í gær.

Aron: Það var enginn morgundagur
Landsliðsþjálfaranum létt eftir sigur Íslands á Egyptalandi í kvöld.