„Bjarni Ben var seðlastjóri Íslands í hruninu“

Strákarnir í Áttunni tóku nemendur í Menntaskólanum við Sund í skólaspjall fyrir stuttu.

Voru nemendur spurðir spjörunum úr eins og venjan er hjá Áttudrengjunum. Meðal þess sem þeir spurðu að var hvaða þekkta Íslending nemendur vildu myrða, hver ætti Menntaskólann við Sund og hvort nemendur væru með kosningarétt.

Þá voru nemendur einnig spurðir hver hefði verið Seðlabankastjóri Íslands í hruninu árið 2008 og vafðist sú spurning fyrir nokkrum.

„Bjarni Ben var seðlastjóri Íslands í hruninu,“ svaraði einn nemandinn til dæmis.