Mercedes ábyrgt fyrir heiðarlegri baráttu

Mercedes liðið í Formúlu 1 segir að forgangsatriði liðsins í Abú Dabí verði að tryggja að báðir ökumenn eigi sanngjarna möguleika á heimsmeistaratitlinum.

Lewis Hamilton er með 17 stiga forskot á liðsfélaga sinn hjá Mercedes, Nico Rosberg. Vegna þess að keppnin í Abú Dabí gefur tvöföld stig svo möguleikar Rosberg eru töluvert betri en ef venjuleg stigagjöf væri notuð.

Tæknistjóri Mercedes, Paddy Lowe segir að liðið einbeiti sér að því að skaffa ökumönnum sínum tvo áreiðanlega bíla.

„Við lítum nú til Abú Dabí, sem hefur verið vettvangur margra titileinvíga undanfarin ár - ekkert þeirra hefur þó verið ákafara en þetta vegna tvöföldu stiganna,“ sagði Lowe.

„Við munum halda okkar skipulagi um helgina öll einbeiting verður á að skaffa báðum ökumönnum jafnan möguleika á titlinum,“ bætti Lowe við.