Bikarmeistararnir á Krókinn

Í dag var dregið í 16-liða úrslit Powerade-bikarkeppni karla og kvenna en ríkjandi bikarmeistarar Grindavíkur eiga fyrir höndum erfiðan útileik gegn Tindastóli í karlaflokki.

Alls verða fjórir úrvalsdeildarslagir í 16-liða úrslitunum í karlaflokki, þeirra á meðal viðureign Keflavíkur og Þórs frá Þorlákshöfn.

Einn leikur á reyndar eftir að fara fram í 32-liða úrslitunum en þá mætir Sindri liði Fjölnis. Sigurvegarinn í þeim leik mætir Leikni á útivelli.

Í kvennaflokki drógust bikarmeistarar Hauka gegn 1. deildarliði Stjörnunnar en eini úrvalsdeildarslagurinn í umferðinni er viðureign Hamars og Grindavíkur.

Leikirnir fara fram dagana 5.-7. desember.

16-liða úrslit kvenna:

Valur - FSu/Hrunamenn

Tindastóll - KR

Snæfell - Fjölnir

Hamar - Grindavík

Stjarnan - Haukar

Þór Ak. - Breiðablik

Keflavík og Njarðvík sitja hjá.

16-liða úrslit karla:

Keflavík - Þór Þ.

Valur - Snæfell

Skallagrímur - Njarðvík

Stjarnan - ÍR

KR - Haukar B

Tindastóll - Grindavík

Leiknir - Sindri eða Fjölnir

ÍA - Hamar