Senda kúk í kassa fyrir Bitcoin

Nýja fyrirtækið ShitExpress sendir kúk í kassa út um allan heim. Sú þjónusta hefur reyndar verið til staðar lengi en SE tekur á móti Bitcoin. Það gerir sendinguna að öllu órekjanlega.

Enn sem komið er sendir fyrirtækið eingöngu hesta mykju um heiminn, en til stendur að fjölga tegundum í framtíðinni. Þá verður einnig hægt að dulbúa sendinguna, meðal annars sem gjöf. Að senda kúk kostar tæp 13 pund, eða rúmlega 2.500 krónur og er sendingarkostnaður innifalinn.

Þá er hægt að láta skilaboð fylgja hverjum pakka.

Starfsmaður síðunnar Motherboard sendi sjálfum sér kúk í pakka til að kanna hvort þessi þjónusta virkaði. Myndband frá opnun pakkans má sjá hér að neðan.

Þar segir að ShitExpress, sé eina fyrirtækið sem sendir kúk, af mörgum, sem boðið geti upp á algera nafnleynd. Viðskiptum við önnur fyrirtæki fylgi langir skilmálar og þörf fyrir kreditkortanúmer.

Með pakkanum er hægt að láta fylgja skilaboð