Ísland ekki áfram í milliriðil

U18 ára landslið Íslands í handbolta tapaði í kvöld fyrir Sviss í A-riðli úrslitakeppni Evrópumótsins. Lokatölur 24-22.

Sigur Sviss var fyllilega verðskuldaður segir á heimasíðu mótsins, en þeir leiddu með fjórum mörkum í hálfleik 14-9. Lokatölur urðu eins og fyrr segir 24-22.

Ómar Magnússon, var markahæstur hjá íslenska liðinu með fimm mörk og næst komu þeir Egill og Sturla Magnússynir með fjögur.

Íslandi dugði stig til að fara áfram í millirið, en svo var ekki. Sviss fer því áfram á innbyrðisviðureignum, en bæði lið voru með þrjú stig.

Íslenska liðið mun því spila um sæti níu til sextán í Póllandi, en mótið er haldið í Gdansk þar í landi.

Markaskorarar Íslands:

Ómar Magnússon 5, Egill Magnússon 4, Sturla Magnússon 4, Birkir Benediktsson 3, Dagur Arnarsson 2, Hlynur Bjarnason 2, Leonharð Harðarson 2, Arnar Freyr Arnarsson 1, Óðinn Ríkharðsson 1.