Fjölmörg börn látin í árásum á Gaza

Að minnsta kosti tólf börn féllu í árás á leikvöllí flóttamannabúðum í Gazaborg fyrr í dag. Þá létust þrír þegar skotið var á byggingu tengdri stærsta sjúkrahúsinu í borginni.

Á vef NRK segir að byggingin sem skotið var á standi nærri aðalinngangnum að Shifa-sjúkrahúsinu. Palestínumenn segja Ísraelsmenn bera ábyrgð á árásinni, en Ísraelsher segir Hamas-liða bera ábyrgðina.

Að sögn ísraelskra yfirvalda féllu fjórir Ísraelsmenn í eldflaugaárás Hamas-liða nærri landamærunum að Gaza fyrr í dag.

Aðgerðir Ísraelshers á Gaza hafa nú staðið í um þrjár vikur og hafa loft- og eldflaugaárásir Ísraelshers og Hamas-liða kostað rúmlega þúsund mannslíf.

Sjúkrahúsið í Beit Hanoun eyðilagðist að hluta í árás Ísraelsmanna á laugardaginn þar sem starfsmaður sjúkrahússins féll. Þá hafa ísraelskir hermenn sömuleiðis ráðist á fjölda sjúkrabíla síðustu daga.

the children were wearing new cloths for Al Eid , they were just playing in the park #GazaUnderAttack #ICC4Israel

— Dr.Bassel Abuwarda (@DrBasselAbuward) July 28, 2014