Viðskipti innlent

Össur hættir að styrkja Pistorius

Haukur Viðar Alfreðsson skrifar
Pistorius í réttarsal (t.v.) og að undirrita samning árið 2006. Hér tekur hann í hönd Össurar Jóns Sigurðssonar forstjóra.
Pistorius í réttarsal (t.v.) og að undirrita samning árið 2006. Hér tekur hann í hönd Össurar Jóns Sigurðssonar forstjóra. vísir/afp/gva
Stoðtækjaframleiðandinn Össur hf. hefur ákveðið að endurnýja ekki samning sinn við suðurafríska spretthlauparann Oscar Pistorius, en réttað er yfir honum þessa dagana í Suður-Afríku vegna gruns um morð.

Pistorius hefur notast við stoðtæki frá fyrirtækinu um árabil en hann er margverðlaunaður fyrir árangur sinn á hlaupabrautinni.

Össur bætist þannig í hóp annarra stuðningsaðila á borð við Nike Inc. og Luxottica Group SpA's Oakley, sem hafa hætt að styrkja Pistorius. Þá hefur allt kynningarefni með hlauparanum verið fjarlægt af veggjum fyrirtækisins á Íslandi.

„Það er á forræði suðurafrískra dómstóla að dæma í þessu máli,“ segir Sveinn Sölvason, fjármálastjóri Össurar, í samtali við Bloomberg-fréttastofuna í dag. „Við hjá Össuri tökum enga afstöðu í þessu máli varðandi það hvort maðurinn er sekur eða ekki. En við erum ekki lengur að styrkja Pistorius,“ segir Sveinn.

Pistorius skaut Reevu Steenkamp, fyrrverandi kærustu sína, til bana í Pretoríu í febrúar á síðasta ári. Hann segist hafa haldið að hún væri innbrotsþjófur. Verði hann sakfelldur á hann yfir höfði sér lífstíðarfangelsi.

Oscar Pistorius

Tengdar fréttir

Fréttaskýring: Kaldrifjað morð eða hræðilegt slys?

Dómari í borginni Pretoria í Suður-Afríku hefur ákveðið að taka mál spretthlauparans Oscar Pistorius fyrir á morgun, eftir að búið er að taka blóðsýni úr honum. Til stóð að morðákæra gegn honum yrði tekin fyrir hjá dómstólum síðdegis í dag.

Neitar að hafa myrt kærustuna

Oscar Pistorius neitar því að hafa myrt Steenkamp kærustu sína af yfirlögðu ráði og mótmælir ákæru þess efnis harðlega í yfirlýsingu sem fjölskylda hans sendi frá sér eftir hádegi í dag.

Nike segir tímabundið upp samningi við Pistorius

Íþróttavöruframleiðandinn Nike hefur sagt tímabundið upp samningi sínum við frjálsíþróttakappann Oscar Pistorius. Suður-Afríkumaðurinn er sakaður um að hafa myrt kærustu sína að yfirlögðu ráði.

"Okkar hugur er hjá Oscari"

"Okkar hugur er hjá Oscari og aðstandendum þeirra sem hlut eiga að máli," segirJón Sigurðsson, forstjóri Össurar, um tíðindi dagsins af frjálsíþróttakappanum Oscar Pistorius.

Fyrstu viku réttarhaldanna yfir Pistorius lokið

Pistorius er ákærður fyrir að hafa myrt kærustu sína, Reevu Steenkamp, en hann skaut hana í gegnum lokaða baðherbergishurð á heimili sínu í Pretoríu í Suður-Afríku í febrúar á síðasta ári. Hann segist hafa haldið að hún væri innbrotsþjófur.

Nike íhugar að hætta samstarfi við Pistorius

Nike íhugar nú að hætta samstarfi við suður-afríska spretthlauparann Oscar Pistorius en hann sætir nú ákæru fyrir að hafa skotið kærustu sína, fyrirsætuna, Reevu Steenkamp á heimili þeirra í Pretoríu í Suður-Afríku.

Segir Pistorius vera á barmi sjálfsmorðs

Suður-afríski spretthlauparinn Oscar Pistorius, sem sakaður er um að hafa myrt kærustu sína með köldu blóði í síðasta mánuði, er á barmi sjálfsmorðs. Þetta segir góðvinur Pistorius, Mike Azzie, í nýrri heimildarmynd breska ríkisútvarpsins um hlauparann.

Pistorius hágrét í réttarsal

Spretthlauparinn Oscar Pistorius grét í réttarsal í morgun þegar hann var formlega ákærður fyrir morðið á kærustu sinni á heimili þeirra í gærmorgun.

Heldur sig frá hlaupabrautinni

Oscar Pistorius, suður-afríski spretthlauparinn, sem grunaður er um að hafa myrt kærustu sína í febrúar síðastliðnum, er ekki farinn að æfa aftur, hefur bandaríska fréttastofan CNN eftir frænda hans.

Össur stendur með aflimuðum íþróttamanni

Össur hf. gerir alvarlegar athugasemdir við þær prófanir sem Alþjóða frjálsíþróttasambandið (IAAF) hefur látið gera á gervifótum spretthlauparans Oscars Pistorius.

Fæturnir frá Össuri eru of góðir

Alþjóða frjálsíþróttasambandið sagði í dag að gervifæturnir sem Össur smíðaði fyrir suður-afríska hlauparann Oscar Pistorius gefi honum alltof mikið forskot á aðra keppendur.

Blóðug krikketkylfa á heimili Pistoriusar

Lögreglan í Suður Afríku fann blóðuga krikketkylfu á heimili hlauparans Oscars Pistoriusar. Pistorius hefur verið í haldi lögreglu frá því á fimmtudag, grunaður um að hafa skotið 29 ára gamla unnustu sína, Reevu Steenkamp, til bana.



Mest lesið


Fleiri fréttir

Sjá meira


×

Mest lesið